Mateo 22:2-4

²“Iling heman kani se peglowan te Timanem. Doen selotan mig-inang te dakel kànen so peipiden se batà din.

³Insogò din se sineligan mangay te kedita te otaw inindanan din. Meneng wedad ibeg dan gomemaw.

⁴Doen heman menge doma sineligan insogò te selotan amon megkeliwat dan te kagi din, ‘Na, integilan ko den se kànen. Iniyaw day den se menge baka aw doma ayam-ayam melambò, aw nelegà den se kedita niyan. Ayas kaw den diyà te peipid.’