Maatjuwukuṉu 22:2-4

²“Katutjalu palumpa yaṉangu tjuṯa ngulytjura kanyilku. Paluru yunytjurringanyi yaṉangu tjuṯangku ngayuku wangka kulira walytjarrinytjaku. Yara yalatji nguwanpa wiya yaṉangungku ngayuku wangka kulira wantinytjaku. Mayutju tiṉaku katjangku miiṯa yaḻṯikitja nyinanyingka mayutju paluru kulilku yaṉangu tjuṯangka tjungungku ngalkura yunyparrikitja. Palulanguru mayutju paluru palumpa waarrkana yiyalku, palumpa walytja tjuṯa, kutjupa tjuṯaṯarra yankula tjananya watjantjaku, ‘Mayutju paluru nyurrangarrimpa yunytjurringanyi ngula tjiṉṯu nampa nyarrangka yankula palumpa waaḻangka tjungurrinytjaku, yunypangku ngalkura tjikintjaku.’ Paluru tjana kulira watjalkuya, ‘Yuwa, kala nganaṉa tjungurriku.’

³Kuka mangarriṯarra kutjara tjunkukitjangku, mayutju paluru waarrkana palunya piyuku wantirriyalku yaṉangu palunya tjuṯa, yirriṯi watjaṉutja tjuṯa, yaḻṯirra tjananya ngalya katinytjaku. Yalatji tjananya yankula watjalku waarrkana paluru, ‘Kalakunyu, kuka mangarriṯarra ngarrinyingka ngalya yarraya, ngalkunytjaku!’ Waarrkana palumpa wangkaya kulira wantiku yaṉangu paluru tjana.

⁴Puṯu paṯara mayutju paluru waarrkana tjuṯa tjanalakutu wantirriyalku. Yalatji paluru tjana yankula tjananya watjalku. ‘Yiltakunyu, kuka kila ngarrinyi mangarriṯarra, ngalya yarraya, ngalkunytjaku!’