Matayo 5:35-45

³⁵hegu mwe isi, kwaviya ni hantu hakwikiya viga vyakwe, hegu mwe Yelusalemu, kwaviya nuwo mzi wa Seuta mkulu.

³⁶Naho usekwelisa kwa mtwi wako, kwaviya hukudaha kudamanya hata luvili lumwenga lutende lung'aile hegu lutitu.

³⁷Mna ‘Nivyo’ itende ‘Nivyo’ hegu ‘Bule’ itende ‘Bule.’ Vituhu vikujinka aho vyalawa kwa Mwavu.

³⁸“Mwiva kugamba vilongwa, ‘Ziso kwa ziso, naho zino kwa zino.’

³⁹Mna miye nawagambilani, msekuhigana na mntu mwavu, uneva mntu akakuhuta mwe funda ya kulume, mhitwile intuhu nayo.

⁴⁰Naho mntu akakwigala kwe chitala kukulaha kwa nkazu yako, mlekeile ne dijoho nadyo.

⁴¹Naho mntu anakunga ujende maili imwenga, jenda naye mbili.

⁴²Mwinke akukulombeza, naho usekumlemeila akukulombeza.

⁴³“Mwiva kugamba navilongwa, ‘Waunge wambuyazo, wehiwe wankondo wako.’

⁴⁴Mna miye nawagambilani, waungeni wankondo wenyu naho walombezezeni wadya wakuwasulumizani,

⁴⁵chani mkatende wana wa Tate ywa kwembingu. Kwaviya alangaziza zuwa dyakwe kwa wantu wavu na wantu wedi, naho anyesa fula kwa wadya wakuwoneka wedi na hewekuwagila.