Maki 3

1

2

3

4

5

6

7

8

9

10

11

12

13

14

15

16

¹Yisasia nago yupa mono nopi haino mainegeno nago kanoa ayamo falimainea kanoa anile maine.

²Mainegeya nagoa vayamoya Yisasima havi kavama hisiafene huya amata huya mainageno “Yisasia Sapati yupa ani kali kanoa alino kanale hutesio.” huya Yisasina amata huya mainae.

³Amata huya mainageno Yisasia ayama falimainea kanomofe mage huno hapaiye “Hetika vaya amunopi me hetio.” huno hapaiye.

⁴Hapaiteno Yisasia amata huya maiya vayafena mage huno hie “Tamahavigoe Sapati yupama hisaya yafena mono kemoa naane humaine? Sapati yupa vayala aliya kanale humategahao ifi ali haviya humategahae? Sapati yupa veala amavaleya avina me matesao ifi veala tavata hamaegahae?” huno hamavigegeya kea ohuya mainae.

⁵Kea ohuya maigeno Yisasia mukia vaya amaulagafi moge mege hiana mukiamogami amakumoa atalako hia yafe aipamoa kana higeno kali kanomofe mage huno hapaiye “Kayana aipi huo.” huno higeno aipi hiana ayamoa kanale hutene.

⁶Kanalema hutea yafena Falasia vayamoya mono nona neataleya Heloti vayaene alitalu huya huge havige huteya “Yisasina hanaa huta haesunageno falisie.” huya vege humainae.

⁷Yisasiene agaiaenema tokaeya nemaiya anagaaene Kalili ti kotumo agegaya nevageya kasagoya veane Kaliliti akave vae. Yutiatiene Yelusalemutiene Itumeatiene Yotani tifaligati veanene Taiyatiene Saitonitiene mukia veala Yisasima hia avagea haviteya agaitega vae.

⁹Nevageno agaiaenema tokaeya nemaiya anagafe mage huno hamapaiye “Mukia alitalu haya veamoya nagaila ayenatunefayafe tipi kalea talo tala hunateho.” huno hie.

¹⁰Kasagoya veala kaliamia alino kanale humatea yafe mukia kali veamoya Yisasi augafale avate hugahe ayetufeliya vae.

¹¹Nevageya Kefo Avamumoya vea amakusafi maineya ageteya Yisasina aulegati mopafi amakoya meyeya ala kenake huya mage hae “Kagaya Anumaya Kotina nafaneamoga mainane.” huya hae.

¹²Hageno Yisasia tokiyaage ke huno mage hie “Ani kea nagoa veala hamaopaiho.” huno hamapaiye.

¹³Yisasia agoyafi haiteno haiya vayafe ke higeya emainae.

¹⁴Ageno ani vayapiti tuelufua (12) vaya hapalimateteno agaiaenema tokaeya maisaya yafeene agai kema huhaleya hisaya yafeene hapalimatene. Hapaliteno tokiyaa neamamino Kefo Avamula veamogami amakusafiti amanatitalesaya yafeene hapalimatene. Mage huno hamapaiye “Nagai kema havigena hulamatoa vayala (Aposolo vaya) maiho.” huno hapalimatene.

¹⁶Ani tuelufua (12) anagamogami amakia Saimonie kanomo agia Yisasia Pitae huno malene.

¹⁷Yemesiene aganaamoa Yoniene Sepetina neamogania Yisasia anakia Poanesie huno malene. Ani anakimoa tagai kefina monagemoma hia avamete huana tokiyaage ke nehaa kanolatane huno anakia malene.

¹⁸Etalue Filipie Patolomiue Matiue Tomasiene Yemesia Alafiusi nafanene Tatiusiene Saimonina hamoamoa nago agia Selotie.

¹⁹Yutasi Isakaliotia Yisasina haenagaa agesi huno kame vaya amayapi avaleno atesia kanoe.

²⁰Yisasia nomaalega umainegeya mukia veala Yisasite elitalu hageno Yisasiaene tokaeya nemaiya anagaene kave negahe haya yapi veala mehiya hageya onenae.

²¹Agaia konaga afamoamoya haviteya Yisasife “Aifonafo nehie.” huya Yisasina avalegahe emainae.

²²Yelusalemu kumateti kahegi kema havilinaya anagamoya Yisasife mage huya mehae “Kefo Avamuma kava humainea kanoa Pielesepulimoa agupi maineno tokiya amigeno Kefo Avamula anatineatale.” huya humainae.

²³Hageno Yisasia haviteno “Nagaite eho.” huno ke higeya ageno avame kefiti mage huno hamapaiye “Satania hanaa huno Satanina anatitalegahie?

²⁴Nagoke kotega veamoya ali fako huya “Alu vea mainone.” huya tuma hisayana ani kotega veanenena hano hugahae.

²⁵Nagoke afamomoya ali fako huya “Alu anaga mainone.” huya tuma hisayana ani afamola hano hugahae.

²⁶Hano hugahagi Satani anagamoya ali fako huya “Alu vaya mainone.” huya hisayana Satani kava yagaisia tokiyaa omalegahianagino haviya huno hano hugahie.

²⁷Nagola tokiya kanomoa nomaafima yagaino mainesigenoa nago kanomoa musufa yama hugahe vinunoa hagoteno ani tokiya kanomona nofiteti kitalako huteteno afenoyamaa musufa yana hugahie.

²⁸Naa humaineafe nagaya tamage huna tamahanepauve veamoya mukia alu kefo yama alu kefo yaene huhaviya humate yaene hisayana Anumaya Kotia aigetamateno kefo yana atalelamategahianagi nagoa veamo Alu Aotage Avamufema huhaviya hutesayana Anumaya Kotia aigeoamategahianagi ani kefo yamaa hanege hanege huno hanegahie.” huno humaine.

³⁰Higeya “Kefo Avamumoa Yisasina agupi maine.” huya haya kehe Yisasia ani kea huno hamapaiye.

³¹Yisasina itaamoene aganaamoyaene eya kumatega me hetiya maineya nago kanoa hutageno Yisasife ke hie.

³²Ke higeya mukia veala elitalu huya Yisasina aiyafi mopale maineya agaife mage huya hae “Itakamoene kaganakamoyaene kumatega emaineya kagaife ke nehae.” huya hapaiye.

³³Hapaigeno Yisasia mage huno hie “Itanimoene nagananimoya taya mainae?” huno hamavige.

³⁴Hamavigeno agaienema mopale mainaya veala momake memake huno amaketeno mage huno hie “Itanimoyaene nagananimoyaenena ma ma nagaiene mopale mainae.

³⁵Anumaya Koti kema haviteya haiya kavama nehaya veala itanimoya nagananimoya nasanimoya mainae.” huno hie.