Maka 7:15-21

¹⁵So yo be tool ikani ye koonoo a ilo kapono lono i, in ke be igarungu le giri leu ye Maro matana tiap. Bong so yo iken tool lono, lo ngan be ipas ye koonoo a isi in la be igarungu le giri leu ye Maro matana i.”

¹⁷Yesu iwete pang di tooltool malala mai tina nen a imot, motong la iyege di sila tiyepe, inbe ilo pang rumu lono. Motong la di galiunu titor panini ye betanga tani yo ikatte, in punu.

¹⁸Le nga Yesu iwete pang di nen, “Ona, ang nga o taukamim lo galanga lapau, too? Nga yelei, ang nga ke be kakap betanga kiau palbe tiap, too? Kalongo, so yo be tool ikani ye koonoo a ilo kapono lono i, in ke be igarungu le giri leu ye Maro matana tiap,

¹⁹yesoo bong so yo nen nga, ngan lo igarungu tool tani in lono tiap. Bong ole lo iken ye matuk le kodokodo ki leu, lo ngan be itoo dada ki a idu pang tana.” Ngan tina Yesu iwete nen nga le ipagalanga lodi nen, be kaningi tina yo matana matana nga le imot, ngan dook mata ke be takan.

²⁰Motong la iwete mulu nen, “So yo iken tool lono, lo ngan be ipas ye koonoo a isi in la be igarungu le giri leu ye Maro matana i.

²¹Inbe dada tina yo awete ye be ipas ke tool lono a isi pang diki, ngan nen; lono dook tiap pang tool san, inbe ikapsap ye dada ke di kerenge, inbe iyei dada dook tiap ke pinnau le raumatenge di tooltool a timmata, inbe iyei bauk.