SAN MARCOS 7:15-21

¹⁵Nducuahn che chihnga̱ che riquenda̱h chete chedave yahn ihyan ne, a ca̱va chemin che chendihco ye nunde, ndiyu ca̱va dehtenduh che reh ye.

¹⁶¡Cuihcovan ndah ne ca̱va che conahn ne!

¹⁷Cuahn che chica Dihvo vo min, ndonda̱ ye vah ne, chica ihyan apóstol ihyan che ca̱h cuande ye ihyan deh conahn che nte ye me.

¹⁸Ra̱hn ye ri ye ihyan chahn: ―Namin nchuhn da̱ma ri ne nduco ihyan sih, te hua renahn ne. Nducuahn che reh ihyan ne, ndiyu ca̱va chemin che chendihco ye nunde,

¹⁹te va̱cochendereh yahn ye rahn, ndiyu chete chedave yahn ye. Tihca̱ chicuahn Dihvo vo che ndiyu ca̱va dehtenduh che reh ihyan che chendihco ye nunde.

²⁰Quendi ye, ne ra̱hn ye: ―Nducuahn che chihnga̱ che rendedecadino ihyan ma̱n, che redin ye ma̱n ne, a ca̱va chemin che chendihco ye nunde.

²¹Chete chedave yahn ihyan riquenda̱h che chihnga̱ rendedecadino ye ma̱n, reduco ye ma̱n, rihno vih ye ma̱n,