Luke 23:1-53

¹Indji ba wawu mba, ba lunji Yesu ye ni koshi Bilatus.

²Na lu ni nhanwu andi, ba ka toh asi kpa indji si ti meme na ni tonba ni timeme, ndu ba na kpanyime na nhan iban hi no Kaisar na, na ni yo tuma Almasihu, Ichu.”

³Bilatus Myen, Ahi wuyi Ichu Yahudawa? U Yesu kpanyime niwu, “Anaki wu tre.”

⁴U Bilatus hla ni Firistocin bi ninkon ba ni jubu indji ba, “Mi na vu ni lah tre riri me na.”

⁵U ba luni tre, andi, “A kpa suron indji ni tie meme na ni hla tre ma ni Yahudiya, a so ma rji ni Galili ye ni wayi.”

⁶Niwa Bilatus a woki ma, na miyen indji bi Galili'a wawu

⁷Wa ye toh ni mre ma andi a he ni zah (kalkashi) pkancin Hiridus, natru Yesu hi ni Hiridus, wa a he nitu ma Wurushelima ni vi bi ton ki.

⁸Ni wa Hiridus a ku shishi ni wu u ngyiri shu niwu ni suron su se'a ni tu wa azi wau tu lalon mu ni sun toh wu. Wa a wo tre tuma, waa dede ni yoshishi ni sun toh iri kpii wa a ni tie bi so sissri wa a ni tie'a.

⁹Hiridus a miyen Yesu ni mi tre bi gbugbu, u Yesu na sa kpe riri ni wu na.

¹⁰Firistocin bi ninkon ba ni biwa ba nhan, lunde kri, ni nha nu

¹¹Hiridus ni sojoji ma ba lu ni nhanu, nani whiyen ni wu, u ba sru nkulon bi ndindi ma niwu, na kma tru Yesu hi ni Bilatus.

¹²Ba Hiridus mba Bilatus ba tie kpan ni kpamba chachuki (ba na ta yo kpamba ni ko shishi).

¹³Bilatus yo Firistocin ni bi chu ni jubu ndji ba,

¹⁴na hla ni bawu, wa hla ni bawu, bi ka nji igu yi ye na indji wa ani ton ndji timeme, bi yi me bi toh, mi, miye ni shishi, mina vu lahtre riri me na wa bi ki nhanwu na.

¹⁵Ba kpe, Hiridus me, ala ka tru kma ye ni tawu, bi toh, igu yi na tie ikpe wa ba wu'a na

¹⁶Ni tu ki mi gbi ton niwu ni kachuwo.

¹⁷Wa hi gbigbi ni Bilatus ndu chu indji u y'bi iri no ba ni Idin)

¹⁸Wawu mba wu ba lu tre vovome, ndu ba, “Nji gu mba hi, na nji Barabas grji!”

¹⁹Barabas a guri wa ba yo ni mitra u lo ndji bi latra, nitu wa aka kpa suron tie meme ni bawu ni gbu na wu ndji.

²⁰Bilatus ala tre, asun ka Yesu chuwo.

²¹Ba la tre vovome, ni, “Giciye wu, giciye wu.”

²²A hla ni bawu nkpu u tra, “Nitu ngye, a ngye yi indji yi tie wa a meme? Mi na toh kpe wa a tie wa bi wah bi wu'u ni tu ma na. Ni naki to bi kle nu'u yah, me ka'u chuwo.”

²³Ba kri titu, na tre gbangban me, ndi ba sun ndu ba giciye wu, u tre mba ka mren Bilatus saran.

²⁴U Bilatus a kpanyime ni bawu ni kpi wa ba sun.

²⁵Wa ba miyen a nji grji ni bawu na no ba i wa ba yo ni tra u lo ndji'a nitu wa a kpa suron tie meme nda wu ndji, na no Yesu ni kpi wa son.

²⁶Ba nji hi, na zu vu guri inde ma Siman Bakurane, a rji ni gbu siye, u ba ban giciyen gran ni wu gba, ndu nji hu Yesu.

²⁷Chubu nji ni mba ba lo suron na ni yi nitu ma, na ni hu.

²⁸Wa kma yaba, Yesu tre, “Bi mri mba Urushalima, na yi nitu mu na, bi ka yi ni tu-mbi ni mri-mbi.

²⁹Bi toh, ivi ni ye wa ba tre, lulu a biwa ba son ni krju ni bi wa bana ngrji na, ni sisan wa bana mma na.”

³⁰U ba fare tre ndu tita, “Ku chan ta, ni Igbulume, Bika kata.

³¹Ba ni na tie kpi biyi u kunkron a ri he ni shushu, ahi ngeri ani tie u kunkro klu ye?

³²U ba nji indji hari biwa ba lah-tre, hi niwu baba Yesu.

³³Wa ba ka ri ni bubu wa ba yo, “kyukyu” niki ba ka kpan ba ni kunkron'a (giciye) ni bi y'bi hari, u ri ni wo kori, u ri ni ko ta.

³⁴Yesu tre “Itie, kpa wruhle ni bawu, don bana toh kpe wa ba tie na.” Ba lu ni ta chacha, na yaba inklon ga.

³⁵Indji ba lu niya bi nji ndji (mulki) ba wa ba ye si tsawu andi, “A kpa bari chuwo. Dun kpa tuma chuwo ki, toh wawu yi hi Almasihu u Irji, wa ba chu'a.”

³⁶Bi lokpa me ba tsawu, na wa niye, nda ni dren iman wa'a sa.

³⁷Nani tre, “U ta hi chu Yahudawa, U ka kpa tume chuwo.”

³⁸U gban ri he niwu tu, “I wa yii a chu Yahudawa.”

³⁹Iri ni mi bi y'bi hari ba wa ba kpan ba, a mre'u andi, “A na wuyi Almasihu na? ka tu me chuwo ni kita me.

⁴⁰U ri ma sah, wa ya losuron, “U na tie sissri Irji na, nitu wa ba wuta baba?

⁴¹U mbu ba tie tsra, ki kpa mbu nitu kpe wa ki tie, Igu yi ana tie kperi memema na.”

⁴²Nna la tre, “Yesu na kparisu ni me na, uta ri ni ko Itie me.”

⁴³Yesu hla ni wu, “Njanji tre misi hla niwu, luwa u he nime ni Firdausi.”

⁴⁴U ba he niki ni krafi tanne, u bubu ka tie bwu kagon gbu'a wawu, hi ni krafi tiya.

⁴⁵U rji grji ka ku. U bre gontra tra u tre ni Irji a yar tie hari ni tsutsuma ye ni meme.

⁴⁶Ni yar yi ni lan gbangban me, Yesu tre, “Itie, mi ka Ruhu Mu no niwo me.” wa tre naki, na que.

⁴⁷U Jirimia a toh kpi wa a tie, na gbire Irji san, “Gbigbi iguyi a hi indji ndindi.”

⁴⁸U Ijubu indji ba wawu, wa ba hu ba ye ndu ba ye toh ikpi wa a tie ni shishi mba, ba kma ni wru wo ni san mba.

⁴⁹Bi wa ba toh wawu mba'wu, ni imba bi wa ba hu ba rji ni Galili, u ba ka kri ni gbugbanmu, na si ya kpe wa a si zren

⁵⁰U indji ri ba yowu Yusufu, ahi vren u majalisan ni ugbu na indji ndindi.

⁵¹Wa na kpa nyime ni kpi wa ba tre ni kpi wa ba tie na, rji ni Arimatiya ni meme Yahudiya, i wa a si kben hi koh Irji.

⁵²Igu ki, ahi ni Bilatus, na miyen wu a ndu ban ikpon Yesu no wawu.

⁵³Wa nji grji ye meme, na nyewu ni pri ndindi, na kayo ni mi bbe wa ba shime ni kpa tita, ni bubu wa ba na rju ndrjo toh na.