8Ra apek alakenh ngkweng angkem aynterl-anemel, arrangkw nthakenh ngenh anthey-angenh. Nga apek iterrem ngkwenh-wenyarl. Ntwa renh ayernem alhewer-antey, rap akwentenhey-alpemarl. Rap amern-anem nyerrerremel ngkweng anthem, ingwer-rnemel renh awewerr, rarl iylpelant aweyel.
9Arternp awelhenh-arey arrantherr! Ntwa ayerna Akngey, ranap ngkweng anthemarl. Nga nthwa, ranap ngkweng lwewarrernemarl. Ntwa arriw rltar-atwa, ranap ngkweng altywerelemarl.
10Inngarlap ran! Ntwa Akngey ayernenty, ranap nthakenh iylpelant awey-angenharl. Nga nthwenty, ranap nthakenh irrtyert-aylpey-angenharl. Ntwa arriw rltar-atwenty, Akngey ranap ngkweng altywerelemarl, ngap aylpenhem-anem.
11Alerengkwel ngenh aker aylperrew apek ayernem. Ntwa rtnwem ahelengkw ikwer anthey-angenharl, arrangkw! Ntwa aylperrant anthem arlkweyewan.
12Ampengkwel ngenh aker kwartew apek ayernem. Ntwa atneth-akert ikwer anthey-angenh, arrangkw!
Luke 11
Luke 11:8-12