8तर ङाइ एनीगदेदा पाङ्ला, थे ह्रोसे थेदा ह्रो म्हन्सी तिगै आपिन्सैनोन थेसे ह्रीबाला ह्रीबान लमाहेन्से थे रेःसी थेदा तोःतेधोना पिन्ना।
9“थेतबासेलमा एनीगदेसे ङाला ताम ङ्यान्गो, ह्रीसम पिन्ना, म्हाइसम स्याप्ला ओच्छे म्रापरी ढ्वक ढ्वक लसम एनीगदेला लागिरी म्राप ठोङ्सी पिन्ना।
10तिग्दा भिसम जुन म्हिसे ह्रीला थेदा पिन्ना, ओच्छे जुन म्हिसे म्हाइला थेसे स्याप्ला ओच्छे जुन म्हिसे म्रापरी ढ्वाक ढ्वाक लला थेदा म्राप ठोङ्सी पिन्ना।
11“ओच्छे एनीगदे न्हङरी खाल्ला आबासे चा ह्राङला कोलासे गेङ ह्रीमा युङबा, तार्ङा ह्रीमा पुख्री,
12ओच्छे नागाफुम ह्रीमा बिच्छी पिन्ना? आपिन।