Luka 23:16-37

¹⁶Imi he kani mushupe niku mulukulula”.

¹⁸Imi machaba onse aba huwelezi, ni kuti “ehawe uzo mi ulukulule Barabasi!”

¹⁹I ye Barabasi aba bikwa mwi tolongo ibaka lyo kuleta mulandu mu munzi ni kwi haya.

²⁰Pilato cho kutabela kulukulula Jesu cha wamba nabo hape.

²¹Chiba huweleza kuti aye ha chi fapano, “mi akokotelwe”. Chawamba nabo hape totatwe

²²“kuti kanti chibi cha foseze uzu mukwame njezihi? Chi swanela ifu lya kwe, ka kwina chafoseze, kani mushupe niku mulukulula”.

²³Kono ba bapiheleli ka manzwi ahanzi, chiba laela kuti a kokotelwe, manzwi abo chi akoma Pilato.

²⁴Mi Pilato cha kosola indaba, chati ku tendiwe muba sakila.

²⁵Imi cha lukulula ya bali kusuminwe mwi tolongo kama fosisa akwe, nika kwi haya, uzo iba kumbila Imi chabaha Jesu kuti ba ntende muba sakila.

²⁶Haba mutwala ku kwi haiwa, chiba kwata mukwame we zina lya Simoni wa kwa Sireni, ya bali kuzwa ku mawa, niku mutwikisa chifapano, no kwi cilila Jesu,

²⁷vungi bwa chi chava va va mwi chilili, ni vanakazi va vali kulila, chevaka lyakwe.

²⁸Jesu cha sanduka, niku wamba kuti vanakazi va Jerusalema, kanzi mulili ivaka lyangu kono mulile lwenu nilwa vana venu.

²⁹Ka kuti mukwize mazuva ete niva wambe kuti, vena imvuyoti vanakazi vasa zali, niva mavumo aseni ku zala, niva mavele aseni kunyosa.

³⁰vantu njete niva tange ku wambila ziwulu, vati 'mutuwile hewulu', ni ku tuwulu kavati muntu 'vwike'.

³¹Kakuti hava tenda izo kuchi kuni chivombete, kakuve vule kuchizumite?”

³²Bamwi bakwame, ni zisinyi zobele, baba hitizwe naye kukwi haiwa.

³³Hava sika haka wulu kasumpwa “Gologota”, chiva mukokotela ha chifapano ha mwina nizi sinyi, chimwi kuvulyo, chimwi kuvuzohoto.

³⁴Jesu chacho, “Tayo Uva kwatile, ka kuti kabezi ziva tenda”. Chiva li aluhanyeza zi zwata za kwe cho ku laula.

³⁵Chisi chiva zimene, niku lolela kuba ye ndisi hava vali kumu sheunwina, chivati “Avali kutusa vantu, mu muleke ali tuse mwine, heva njeye krisite wa Ireeza, yava ketwa”.

³⁶Masole va vakumu nyefula niku chunina niva muchuka vinega,

³⁷Chivati,” haiva U mulena wa majuda uli tuse U mwine.”