Luka 22:3-32

³Satani abe njili kwa Judas Isikaliote yabli zumwi wa balutiwa bena ikumi ni bo bele.

⁴Judas aba yendi ku Baprista ni Baeteleli ku wambola mwete ba mu betekele ku bali.

⁵Baba tabite, ni ku zuminzana ku muha mali.

⁶Aba zuminzani, ni ku lola inzila yo kumu lukulwila ku chichaba.

⁷Izuba lya mukiti u sena mulungo chi lya sika, li baba ku swanela kuti ingu ye Paseka i haiwe.

⁸Jesu aba tumi Peter ni Joani kuti baka lukise i paseka kuti balye,

⁹Chiba mubuza kuti, Ko saka kuti tuka lukise njo kuhi?

¹⁰Aba be tabi, “Mu ni teke, Chi mwa ke njila mu munzi mumu shangane Mukwame yo hindite kahambwe ka menzi. Mumwi chilile mwi nzubo yete ake njile.

¹¹Imi mu mu wambile si nzubo kuti, Muluti u wamba kwenu, Inzubo mwete a lile i paseka ni ba Lutwana bakwe inahi?”

¹²Mwa mi tondeze inzubo ina kwi wulu inkando i lukiswe. Mulukise mwa teni.

¹³Mi chi ba yenda, ni ku wana mwa ba ba teli, imi chiba lukisa ipaseka.

¹⁴Inako ha i sika, che kala he ntafule ni ba lutwana.

¹⁵Imi cha ba cho kuti, ni lakaza hahulu ku lya i paseka nenwe hani seni ku zuwiswa kuchisa.

¹⁶Linu ni wamba kwenu, kuti kani li i paseka hesi chiye zibiswa mu mubuso wa Mulimu.

¹⁷Jesu cha hinda i nkomoki, ha manaku litumela, ni ku cho kuti muhinde ichi muli abele.

¹⁸linu chati ku bali, kete ni nwe i waine hape hesi mubuso wa Ireeza chi weza.

¹⁹Cwale cha hinda chinkwa, ha mana ku litumela, cha chi komauna, ni ku baha ni ku cho kuti,” uwu nji mubili wangu mu lye nje nkupuzo yangu.”

²⁰Cha hinda i nkomoki che nzila i swana haba mana kulalila, chati, iyi inkomoki chilikani chetu ka malaha, angu ete e tikilwe nwe.

²¹Kono mu teke. Yoni beteka wina neme he ntafule.

²²Mukuti Mwana we Ireeza che ziba kuti mukwi kalile, cwale kwina bumai kuya ba bi ni mulelo wo wa ku beteka.

²³Imi chiba tanga ku libuza mukati kabo, kuti njeni wina muhupulo uwo.

²⁴Imi chi kwa buka i nkani mukati kabo kuti yo hupulelwa kuba mukando njeni,

²⁵Chacho ku bali, Ba simwine bena bubusi hewulu lyabo, mi nji bena ziho hewulu lyabo ba sumpwa kuti bayendisi.

²⁶kanji ku bi bulyo nenwe. Kono, mu leke yo li hinda bukando mukati kenu abe munini, mi mu leke yo lihinda ku sepahala abe bulyo;

²⁷Imi mukando, ibe iye wi kala he ntafule, kapa yo ha? Kanji wi kele he ntafule? Mukuti ime ni na mukati kenu ni ha.

²⁸Kono njenwe mu be ntanzi mu miliko yangu.

²⁹Imi muni mihe Mubuso, sina mwa ba ni heli Tayo mubuso, kuti mulye ni ku nwa he ntafule yangu mu Mubuso wangu.

³⁰Imi ka mwi kale ha chipula cha bu simwine ni ku atula luzubo lwa Isilaele.

³¹Simon, Simon, bone, Satani uni kumbila kuti ami helule sina lungu lwa mauza.

³²Kono chi na mi lapelela kuti itumelo yenu kanji i boleli hansi. Hachi mwa bola mukole ni mwachako.