Luk 24:40-46

⁴⁰Ma bia ing ga tange huo ga hamines ira limana ma ira kakine ta diet.

⁴¹Ma pa ga tale baak diet bia diet na nurnur tana kanong diet ga hung ma ra gungunuama ma kinarup. Io kaik, Jisas ga tiri diet, “Ta da linge kana wara ienien?”

⁴²Io, diet ga tabar ie ma tiga subana kirip i masos taar.

⁴³Ga kap leh ie gaam ien ie ra matmataan ta diet.

⁴⁴Ma ga tange ta diet, “Kaiken ira mangana linge iau ga hinawase muat ine ing iau ga kiskis tika ma muat. Iau ga hinawase muat bia ira linge bakut da gil sot ing di ga pakat utagu narako ta ira harkurai ta Moses, ira nianga ta ira tangesot, ma tano Buk na Ninge.”

⁴⁵Io, ga papos ira udiet lilik bia diet naga palai ta ira pakpakat ta God.

⁴⁶Ga tange ta diet hoken: “Di ga pakat ie bia no Mesaia na kilingane ra ngunngutaan ma na tut hut sukun ra minaat tano aitul a bung.