San Lucas 24:40-46

⁴⁰Orzeꞌ ornu blazh mniim de ndeꞌ, orzeꞌ blyuum yaam lo dey gal nu gyiꞌm.

⁴¹Orzeꞌ de yu zeꞌ gabee wacheña lagy dey ti laab mi, tantaꞌ nu yet lagy dey, nunu tantaꞌ nu za nu ic dey. Orzeꞌ Jesuuz nam rab mi dey: ―¿A yuꞌ ñuu la coz ni der don? ―nam rab mi dey.

⁴²Orzeꞌ briic dey tub laꞌ bel nu guuy lo boo gom.

⁴³Orzeꞌ gush mi ñii. Orzeꞌ bdom ñii lo rgüii dela dey.

⁴⁴Orzeꞌ gazeꞌ nu nam rab mi dey: ―Coz nu bzaca̱, ndeꞌ mne̱e̱ lo der lat nu gabee gusa du̱ der. Orzeꞌ dela coz nu cañ lo leey ni Moisees, nu dela coz nu cañ lat de riidz ni de yu nu mnii por cuen ni Ñgyoozh, gal nu dela coz nu cañ lo libr ni salmos nu nac ya̱, dela riidz zeꞌ byuꞌ niñ ―nam.

⁴⁵Orzeꞌ bicy mi nu gyet lag dey cuen de riidz ni Ñgyoozh.

⁴⁶Orzeꞌ nam rab mi dey: ―Bi cañ nu ya̱, Mesías, biñ nu ca lo cuen nu cyid. Cañ nu rlagy ñi gata̱. Tees ornu zaꞌ dzi chon, orzeꞌ gyabaña̱ꞌ.