Luk 1:53-66

⁵³U de' binib bà mikònm ŋmɔbe bɛ tibont na ŋmɔbe fuul, ki ŋɔre' bifàadɛnb bi bure' inɔpien.

⁵⁴U tiɛre' uʼnimɔ̀nt bó, ki tore' uʼtonsɔnb Israyɛl yaab,

⁵⁵tɛn u là ye u li tuu ki teh ma ki dienh tiʼyaajɛ *Abraham nin uʼyaabii nnɔ.»

⁵⁶Mari tien' Elisabɛt saan nì baa' tɛn iŋmaale ita, nɛ ki liɛbe' ki kun'.

⁵⁷Elisabɛt ya mamaayo baa', nɛ u maa' kibujɛbuk.

⁵⁸Uʼden yaab nin uʼkɔnkuɔnlieb cii' Yonbdaan muɔ' wɔ micɛcɛkm ki gbien', nɛ wɔn nin bɛn kɛ pokn'.

⁵⁹Kibuk nnɔ ya wienniin daali, nɛ bi baa' bɛ ń jiɛ kiʼpunl, ki yíe bɛ ń yin kɛ̀ Sakari tɛn kiʼbaa.

⁶⁰Nɛ kiʼnaa yìe', ki ye bi li yin kɛ San nɛ.

⁶¹Nɛ bi tɔke' wɔ ki ye ba yih aʼden ya nil uba li ya yel-a.

⁶²Nɛ bi niire' kiʼbaa migbaam ki ye u yíe wɔ ń yin uʼbuk li lɛ yel ba?

⁶³Nɛ u wuɔn' bɛ ki ye bɛ ń de wɔ kudɔbipɛnpɛnku kuba wɔ ń kɛle kuʼbo. Bi de' wɔ, nɛ u kɛle' ki ye: «kiʼyel si San» nɛ. Nɛ nì cuo' biʼkɛ miyɔkm.

⁶⁴I ya tàan bo nɛ Sakari ya lɛnl tɛbre', nɛ u cin' ki lienh, ki pɛ̀keh Uwien.

⁶⁵Nɛn saan nɛ bujɛwaanbu cuo' binib bà kɛ kɔ ka fɔke nin niʼsaan nnɔ. Sude ya tinfɛnm ya du yà kɛ te ijuɔn bó nnɔ ya nib lienh tigbɛr nnɔ.

⁶⁶Tù de' binib bà kɛ cii' tù nnɔ iyɛnmaale. Nɛ bi maaleh biʼyɛnm ni ki teh: «Kibuk kiɛ lá li yé bɛ ya nitunbu sɔ?» Kimɛ Yonbdaan ya tuɔm te kiʼbo.