53ኮሻቲዳይሳታ ሎዖባን ካልሲስ፥ ሺን ዱሬታ ሜላ ኩሼ ዬዲስ።
54ባ ማሮታ ቆፒዲ፥ ባ ኣይሊያ ኢስራዔሌ ማዲስ።
55ሄሲካ ኑ ኣዋታስ ኦዲዳ ቃላ፥ ኣብራሃሜሲኔ ኢያ ሼሻስ ጊዳይሳ ሜሪናው ፖላናሳ» ያጋሱ።
56ማይራማ ኤልሳቤፂ ማታን ሄꬑ ኣጌና ሜላ ጋምዓዳ ባ ሶ ሲማሱ።
57ኤልሳቤፂስ ዬሎ ቃማይ ጋኪን ኣዴ ናዓ ዬላሱ።
58ኢ ሾሮቲኔ ኢ ዳቦቲ ጎዳይ ጊታ ማሮታ ኦꬂዳይሳ ሲዒዲ፥ ኢራ ኢሲፌ ኡፋይቲዶሶና።
59ሆስፑንꬃ ጋላሳን ዮጋ ናዓ ቃፃራናው ዪዶሶና። ኢያ ኣዋ ሱንꬃን ዛካሪያሳ ጊዲ ሱንꬃናው ኮዪዶሶና።
60ሺን ኣያ፥ «ኣካይ፥ ዮሃኒሳ ጌቴታናው ቤሴስ» ያጋሱ።
61ኤንቲካ፥ «ኔ ዳቦታፔ ሃ ሱንꬃን ፄጌቲዳይ ኦኒካ ባዋ» ያጊዶሶና።
62ኢያ ኣዋይ ኦና ጊዲ ሱንꬃኔኮ ኤራናው ኮዪዲ ኢያ ማላ ኦይቺዶሶና።
63ኢ ፃፊያባ ኦይቺ ኤኪዲ፥ «ኢያ ሱንꬃይ ዮሃኒሳ» ጊዲ ፃፊስ። ኡባይ ኢ ፃፊዳይሳ ቤዒዲ ማላሌቲዶሶና።
64ኢራ ዛካሪያሳ ኢንፃርሳይ ቢሌቲስ፥ ፆሳ ጋላቲሼ ኦዴቴꬂ ኦይኪስ።
65ሾሮቲ ኡባይ ያሻን ኩሚዶሶና። ሃ ሃኒዳባይ ጌዜ ዪሁዳ ቢታን ኦዴቲስ።
66ሄሳ ሲዒዳ ኡባይ፥ «ሃ ናዓይ ኣይ ሃናንዴሻ» ጊዲ ባንታ ጊዶን ኦዴቲዶሶና። ጎዳ ኩሼይ ኢያራ ዴዔስ።
ሉቃሳ 1
ሉቃሳ 1:53-66