Lucangundru 18:3-21

³Mangawaru kulno nunkangupini ngurani nganana wonti, ja nani nunkangu wokarana wonti ja jatana wonti: “Ngana kulkamai ngakani talpalandru.”

⁴Ja nulu juri wata ngantjana wonti. Ngadani nau warawarapaterina wonti: “Ngani bakana Godandru wata japali ngananani, ja wata kana kulnundru manngarinani.

⁵Ngangau nandrupini mangawarujeli ngana jupai, ngato nana kulkala nganai; ngangau nania ngadani wokaraiati ja ngana nandraiati.”

⁶Kapara jatana wonti: “Ngaranau, mina kalala kuranietja tjikatjika jatai!

⁷Godali kana kalkalkana nunkani wata kulkala nganai, tanali ditjini ja tinkani nunkangu karkai, ja tanangu manju kalumiltjamiltjarila nganai?

⁸Ngani jurangu jatai: Nulu tana nurujeli kulkala nganai Kanaia Ngatamura wokaranani, Nulu bakana morlalu ngundrana mankamankala nganai?”

⁹Nau nina jeribaka jaura palpani jatana wonti, tana munta talku ngundraterina wonti ja kana ngurani gilbarina

¹⁰“Kana mandru tarana wonti Godaia pungani ngatjila; kulno Pharisaia nganana wonti, ja kulno niardatandra kampanietja.

¹¹Pharisaia terkana wonti ja ngatjina wonti jeruja: “Godajai, ngato jidna jurakokai, ngangau ngani wata kana pilki jeribaka, watawatali maninietja, kana tjikatjika, pinta wokaribanietja, ja bakana wata naupini niardatandra kampanietja jeribaka.

¹²Pota mandru ngani milja ngamai ditji mara, wora ja mandruni, ja marapratjanandru ngato buru kulno jinkiai pratjanandru ngato ngamalkai.”

¹³Ja mardatandra kampanietja worita terkana wonti, nau wata jertapaterina wonti milki tjenmala tarala pariwilpaia, a-ai, nau munambiri nandraterina wonti ja jatana wonti: Godajai, ngakangu kanani madlentjani kalumiltjamiltjariau!”

¹⁴Ngani jurangu jatai: Naupini morla talku ngarina tikana wonti pungaia nunkanaia nunkangu. Ngangau warle pirna ngankateriai, nau waka pantjila nganai, ja warle waka ngankateriai, nau pirna pantjila nganai.”

¹⁵Tanali bakana kupa waka nunkangu wokaralkana wonti, nulu tanana karakarananto; ja milieli jenia najina, tanali tauaua daudauana wonti.

¹⁶Jesujeli tanana karkana wonti ja jatana wonti: “Kupa waka worani patanau ngakangu wokarananto, ja tananaia wata daudauanau; ngangau tanangu Godaia milila nganai.

¹⁷Morlalu ngani jurangu jatai: Warle Godaia milila wata patai kupa wakali jeribaka, nau nunkangu wata wirila nganai.”

¹⁸Ja kana kaparali nina jakalkana wonti ja jatana wonti: “Ngujangujara jinkinietja ngumujai, mina ngato ngankananto tepi ngurali maratunka manila?”

¹⁹Jesus nunkangu jatana wonti: “Minandru jundru ngana ngumu dikai? Wata kulno ngumu nganai, windri Goda kulnulu.

²⁰Jirijiribani jaura jidni milkila: Wata pinta wokaribamai, wata narielu nandramai, wata kurieli maniamai, wata jedi jaura morlalu jatamai, ngaperi jinkani ja ngandri jinkani pirna ngundramai.”

²¹Nau jatana wonti: “Jenia pratjana ngato ngamalkai kupandru.”