Los Hechos 15:15-20

¹⁵Da na' guca naca na tuze nen da buluzúaj benne' ca' buluchálaje̱' waláz chee̱ Dios, da na' naxúaj na lu xiche chee̱ Dios, dxenné̱':

¹⁶Te nigá xelá'a na' xechisa' ca naca lizre David da nazre'e. Gucá'ana chawa' da nagá'ana chee̱ na, na' xechísaqueza' na,

¹⁷chee̱ xelexílaj xúgute̱ benne' xezica ca' Xrane̱' Dios, ne cá'anqueze xelún xúgute̱ benne' zaj zra' xe̱zr la xu ca', benne' ca' xelenne̱' chee̱ La' neda'.

¹⁸Ca' dxenná Xránadxu, blé'ene̱' da nigá nédxudaute̱.

¹⁹’Chee̱ le̱ na' dxapa' le'e quebe dxal-la' gunle ze̱de benne' quebe zaj naque̱' judío, benne' ca' dxelexexaque̱' chee̱ Dios.

²⁰Dxal-la' guzúajntu' chee̱ benne' ca' dxal-la' xulusane̱' da naca chee̱ bedáu' xaga ca' u bedáu' xiaj, ne quebe dxal-la' xelune̱' dul-la chee̱ da dxucá'ana sban bénneache, ne quebe dxal-la' xelawe̱' be̱la' chee̱ be̱ xixre', be̱ quebe bdxuaj dxen, ne quebe dxal-la' xelawe̱' dxen chee̱ba'.