Aposel 15:15-20

¹⁵Tá profet fákáreramp karan kor take pourouráp karan arakrá kumwiapon:

¹⁶‘Tokwae Karao arakrá sér, “Devitomp fi te napao tukur tank námp niamp námpan maok, nánkár wakmwaek ono arákarrá ékia warko sámp-fokop nanampon. Aeria am mekamp ankank kwatae akwap námp te, ono warko wourékam yororoia sámp-fokop nanampon.

¹⁷Ae nanampara, arop ankwap fi te Tokwae Kar onan oupourounkia nke mwanapon. Am koumteouráp arop ponankor te ankwap fi mekampan maok, ono am fárákapan onokumponoria nánkáráp tenámpono.”

¹⁸Mámá kar te Tokwae Karao mámá ankank oukoumwan korop námp máman, wokwaek kar sérimpon.’

¹⁹Aenámpara onomp nɨnɨk te arak námpon: Nomo ankwap fi arop kwatae nɨnɨk pwarará Kwaronámpok tukup nap te, nomo man nɨnɨk kápae sánk mwareano, mono.

²⁰Yae-párák nomo te am fárákapampor pas kumwia arakrá sér mwanámpon: Kwekár kwarén ofanap fɨr te fári kwapono. Am te Kwaro nke námp fek oumnámp ankankono. Tá kokopor nɨnɨki kwapono. Tá fɨr yápare kor fek paok fákapea porokwap pap nap te fári kwapono. Am te oukoumwan yɨri am mek yak námpon.