Dad Nimò 15:15-20

¹⁵Na too salngad i tagsulat i dad tugad Dwata di Tnaluan, du ani manan,

¹⁶‘Di satu duh samfulê agu, na balù salngad i dad bel Dabid di satu gumnè tafugen, lêmangu ale ftadag, na tangalgu ale.

¹⁷Nimògu ani, du fye i kdee dademe dad to ise Dyu i tanalékgu du nfungu mayè ale mngabal deg.

¹⁸Én man Dwata ani, i tafgadean mdà di katbuan.’ ”

¹⁹Na fadlug Dyém talù, manan, “Taman i fandamgu deg, nang ito fanlayam i dad to ise Dyu tadmawat Dwata fagu di kaflaloito dale i dad flalò.

²⁰Kabay balingito smulat dale, na fanngeweito fye ku nang ale kmaan i knaan tadsù di dad ise glut dwata, nang ale mimò i sasè knayè i lawehla, nang ale kmaan dad lmanaf maflang, na nang kmaan litè.