Lomu 15

1

2

3

4

5

6

7

8

9

10

11

12

13

14

15

16

¹Yisasife tamametiti huta tokiya nevauna veamogata amametiti yaamimoma tokiya ovainea veamogami kana yaamia “Tamakaitami aliho.” huta ohisunagi tagaya hamamaeta alita tagaiti lagu tagesamoma haisia kavala ohisune.

²Ohisunagi mukiamogata tahaote tahaote tagaya tavatema mainesaya veala amaya hisunageya kanaleya huya Yisasife haviya amakupi malenesaya yaamimoa tokiya vaisie.

³Tagaya ago havimainone Kalaisia agaia agu agesamoma haiya kavala akave omalenea yafena Anumaya Koti avopina agaife mage huya kae-malenayane “Veamoya kagaima Anumaya Kotiga hu haviya hunegataya kemoa nagaila melino aiso hunenate.” huno humaineane.

⁴Nayoma kae-malenaya kemoa meni kanafima tagesa alino akalo hisiafene huya kae-malenayane. Anumayamo kema kae-malenaya kefiti tokiya vaisuna yaene tagu tagesa ali heti-latesia yaene haneafe tametiti yatimoa tokiya vailategahie.

⁵Anumaya Kotia veala tokiya vaisaya yaene amaku amakesa ali hetimatesia yaene aepaagino tamaya hisigetama Yisasi Kalaisi humainea auava yana akave maletafa hutama nagoke tamaku tamakesale maisae huna Anumayamotega havinegoe.

⁶Naa hisayafe nagoke tamaipale maitama nagokete tamakua maletama Anumayatimona Yisasi Kalaisina Nefana Anumaya Koti agia alisaga hisae.

⁷Veamoya Anumaya Koti agima alisaga hisayafe Kalaisia tamakaila ali falu fala hulamateno tamavale-mainea kava hutama tamafu-tamakanagamina ali falu fala humatetama amavaletama nagoke tamaipale maiho.

⁸Tamahapauve Anumaya Kotia Yuta veamogati taginagomogamife hamapai-mainea kemoa falote huno fatago hinageya “Anumaya Kotia tamageage kano maine.” huya hisayafene huno Kalaisia Yuta veamogamina amaya humaine.

⁹Amaya higeya Yuta vea omainaya anagamoya Anumaya Kotia kayone hulamatenea yafe agia alisaga hisaya yafena Anumaya Koti avopina mage huya kae-malenayane “Naa hisigena Yuta veane omainaya veapina kagia alisaga huna musena hugategahue. Mono yagamefitiene kagia alisaga hugahue.” huno humaineane.

¹⁰Ania huno nago kemoa maa humaine “Tamakaya Yuta vea omainaya anagamogatama agaia nofi anagaaene ailalupetama muse hiho.” huno humaineane.

¹¹Ania huno nago kemoa mage humaineane “Tamakaya Yuta vea omainaya anagala Anumaya Kotina agia alisaga nehigeya mukia veamoya ania huya agia alisaga hiho.” huno humaineane.

¹²Ania huno nago kea Aisaiyaa Anumaya Koti aune kanomoa mage humaineane “Yesi anagapiti aginagomoa falote huno Yuta vea omainaya veamogatamina kava yagai-lamatesigetama agaifena ‘Tagu tamena aligatigahie.’ hutama tamametiti hugahae.” huno Aisaiyaa humaineane.

¹³Anumaya Kotia tametiti yatimo aepaagino agaifema tamakupi malenaya yateti tusia muse yaene tamaipa falu hisia yaene tamamino havatelamatesigetama Alu Aotage Avamumo tokiyaleti tusiya hutama Yisasima hulamatenea yafena tamametiti hisae huna nunamuna nehue.

¹⁴Nafunaganagatama nagainia nametiti huana tamakaya kanale auava yana kasagoya nehae. Mukia ke havi yana tamakesaene veane mainae. Tamakaitami oaya aaya hutama hamapaisayana kanale amaku amakesa tamafu-tamakanagamina amamigahae.

¹⁵Amamigahagi Anumaya Kotia kayone yamaa namiteno Yuta vea omainaya veamogami amunopi Yisasi Kalaisi aliya alisanafene huno hunateneafene huna nagoa kema kaemaloa kemoa tamaku tamakesa alina hao huna ali hagalo hugahe tokiya vaina negaove. Afaa nokaogi mono note kava vaya kana huna mainena Anumaya Kotia hulatenea kanale mono kea huhalena hisugeya Yuta vea omainaya anagamoya aliya amakupi malesageno Alu Aotage Avamumoa “Alu aotage veane mainae.” huno humatesigena amavalesugeya Anumayamo avate esagena amisugeno Anumaya Kotia musena hugahie.

¹⁷Naa hisigena nagaya Yisasi Kalaisiene ailokaena mainena Anumaya Koti aliyama nealua yafena tusia muse nehue.

¹⁸Kea nagoke yafeke huna falote nehue. Yuta vea omainaya veama Anumaya Koti kema akave malesayafe Kalaisina agaia tokiyaleti nehue. Nagaini kanale auava yatetiene humainoa keletiene tokiya avameyama hua yaene Alu Aotage Avamumo tokiyaletiene hamanepauve. Yisasima hulatenea yafema kanale mono kema hulama huna hamapauvana Yelusalemuti aepa hena mukia kotega ute ete huna Ililikumua uvayi humainoe.

²⁰Nagoa mopalega Kalaisi agima ohavinaya haigilega ani aliyana alina Kalaisima hulatenea yafena kanale mono kea hamapaisua yafekeya nenahaiye. Havigu alu kanomo hagoteno Yisasi kea hamapaiteno ani kanomoa posi ayemalenesia yosale no mo kisua yafena nonahaiye.

²¹Anumaya Koti avopi kae-malenaya kate hugahe nehue. Mage huya kae-malenayane “Agai avagema ohavinesaya veamoya agegahae. Keama ohavinesaya veamoya aepaa havigahae.” huno humaineane.

²²Mukia kanafina Lomu mainaya veamogatamalega ugahe huanagi visua kana ani aliyamo tilegena ounoe.

²³Ounogi meni kanafina malega hanea aliyania alivaya ayoanagina ayaaya kafugefa lamakaitega visue huna nagesa havi havi humainoafe menia Sipeni visua katelagina osi kanalega tamakaienena mo faena hu falu fala hulamatetena muse huna mainesugetama naya hisagena Sipenia ugahue.

²⁵Tamakaitega ugahuanagi hagotena Yisasina amakua aminaya veane amaya hisuafe Yelusalemu neue.

²⁶Nagoa yaamima omalenea veala Yelusalemu maineya Yisasife haviya amakua aminaya veamogamifena Masetonia vealagi Akaiya vealagi amakesa haviteya muse huya monea amamigahe nehayanagina alina momamigahue.

²⁷Hagoteno Yuta veala Anumaya Kotia amaku amamema aligati-mainea kanale mono kema Yuta vea omainaya veama hamapaimainaya yate ani veamoya anonaamia haneanagiya amaipamoa kanaleya higeya “Amamigahune.” huya Yuta veala amaugafale yana kanale humatesia yama amamisayana kanale yane.

²⁸Ani monea alitalu huya namisagena alina Yelusalemu mukia monea momamitena tamakaya mainalega utena Sipenia ugahue.

²⁹Tamakaitegama uvayi hisuana ago havuana Kalaisina kanale manuamoa havatenateneanagina tamakaitega egahue.

³⁰Mukia nafunaganagatama musetami nehugi Anumayatimoa Yisasi Kalaisi hulatenea yafeene Avamumoma tahau tayamopafi nelahaiya yama taminea yafeene lamahavi-negoe tokiya vaitama nagaifena ke hutama Anumayamotega havigegeno nagaila naya hino.

³¹Mage hutama nunamuna hiho “Yutia mainaya veamoya Yisasi kea nohaviya vealagiya Polona atafa huya ali haviya hutegahe nehagi kagaya Anumaya Kotiga augafa aligatio. Yelusalemu maineya Yisasina amakua aminaya veala Poloa amaya hisigeya ma ma hamamaesia aliyama nealia yafena hamaisigeya musena hisae.” hutama havigeho.

³²Naa hutama havigesagenoa Anumaya Kotia hainagenofena lamakaitega evayi huna muse huna tamakayaenena maifalu hugahue.

³³Anumaya Kotia taipamoma falu hisia yamona aepaagino tamakaiene mukiamogatamaene maisie huna nehue. Tamage.