2fän iten ekewe aramasen Israel: Are eman fefin a pwopwo o nöüni eman ät, neminewe epwe nom lon tettelin chon limengau lon ükükün fisu rän, usun chök an limengau lon fansoun an samaun fefin.
3Nge lon awaluen rän ewe kükün ät epwe sirkomsais.
4Mürin, ewe fefin epwe pwal witiwit lon ükükün ilik me ülüngat rän tori epwe limöch seni chan. Esap tongeni atapa och mettoch mi pin, esap pwal tongeni feila ren ewe imwenfel seni mangaku tori a unus ränin an limelim.
5Nge are ewe fefin a nöüni eman nengin, neminewe epwe limengau lon ükükün ruu wik, usun chök an limengau lon fansoun an samaun fefin. Mürin epwe pwal witiwit lon ükükün wone me wonu rän tori epwe limöch seni chan.
6Iwe, lupwen ra wesöchüla ränin an limelim, ese lifilifil ika an limelim fän iten eman ät ika eman nengin, epwe uwato eman lam eu ierin leasamalapen ewe imw mangaku ia aramas ra churi Kot ie ren ewe souasor, pwe an asoren kek, epwe pwal uwato eman apansüsün lisom ika eman lisom pwe an asoren tipis.
7Iwe, ewe souasor epwe eäniir asor fän mesen ewe Samol mi Lapalap o föri asoren amusamusen tipis fän iten ewe fefin. Mürin epwe limöch seni chan. Iei ewe allük fän iten ekewe fefin mi nöünöü, ese lifilifil ika ra nöüni ät ika nengin.
Lifitikos 12
Lifitikos 12:2-7