لٍوِ سّرّشّدُبّ 12:2-7

²«عَ قَلَ عِسِرَيِلَكَيٍ بّ، شَ فِنّ ندٍ سَ تّيفّ، عَ دِ شّمّ بَرِ، عَ قِندِ مَ سّنِيّنتَرٍ رَ شِ سٌلٌقٍرٍ بُن مَ، عَلْ عَ كِكٍ وَلِمَ تّمُي نَشّ.

³شِ سٌلٌمَسَشَن لْشْي، دِ شَ سُننَ.

⁴نَ شِ سٌلٌقٍرٍ شَنبِ، دِنفّ لُمَ سّنِيّنتَرٍحَ كُي شِ تٌنفٌ سَشَن نُن سَشَن بُن مَ عَ وُلِ شَ قٍ رَ نَشَن مِنِشِ عَ مَ عَ دِ بَرِ تّمُي. عَ مُ لَنمَ عَ شَ دِن سٍ سّنِيّنشِ رَ، عَ مُ لَنمَ عَ شَ سٌ يِرٍ سّنِيّنشِ كُي هَن مَرَ سّنِيّنيِ وَشَتِ شَ كَمَلِ.»

⁵«شَ دِنفّ دِ فِنّ بَرِ، عَ لُمَ سّنِيّنتَرٍحَ كُي لْشْشُن قِرِن، عَلْ عَ كِكٍ وَلِمَ تّمُي نَشّ. نَ شَنبِ عَ شَ مَرَ سّنِيّنيِ وَشَتِ بُمَ شِ تٌنفٌ سٍننِ نُن سٍننِ، عَ وُلِ شَ قٍ رَ نَشَن مِنِشِ عَ دِ بَرِ تّمُي.

⁶عَ شَ مَرَ سّنِيّنيِ وَشَتِ نَ كَمَلِ، دِ شّمّ، شَ نَ مُ عَ رَ دِ فِنّ شَ قٍ رَ، عَ شَ يّشّي حّ كٍرٍن دَاشِ شَنِن سّرّشّدُبّ شْن مَ هْرْ مْلِنفِرَ سٌدٍ دّ رَ. عَ شَ نَ بَ سّرّشّ فَن دَاشِ رَ. عَ مَن شَ كٌلٌكٌندٍ يْرّ، شَ نَ مُ عَ رَ فَنبّ بَ يُنُبِ شَقَرِ سّرّشّ رَ.

⁷سّرّشّدُبّ شَ نَ سّرّشّيٍ بَ عَلَتَلَ بّ، عَ قِندِ نَ فِنّ شَ شُنسَرٍ رَ. نَ تّمُي عَ سّنِيّنمَ نّ نَ وُلِ شَ قٍ رَ. سّرِيّ نَن نَ كِ فِنّ بّ نَشَن دِ شّمّ بَرِ مَ، شَ نَ مُ عَ رَ دِ فِنّ.