Lifitikos 11:43-47

⁴³Ousap alimengauakemi ren ekewe mantötö, pwe ousap nom lon tettelin chon limengau.

⁴⁴Pun ngang ewe Samol mi Lapalap ämi we Kot. Iei mine oupwe püsin apinikemi pwe oupwe pin, pun ngang üa pin. Ousap püsin alimengauakemi ren ekewe mantötö mi tö won pwül.

⁴⁵Ngang ewe Samol mi Lapalap üa emwenikemiiwu seni ewe fanü Isip pwe üpwe ämi Kot. Iei mine oupwe pin, pun ngang üa pin.’”

⁴⁶Iei ewe allük fänäsengesin ekewe man me machang, fänäsengesin mönümanau meinisin mi nom leset me lekoluk, pwal fänäsengesin ekewe mantötö meinisin mi tö won pwül.

⁴⁷Ei allük a alefila lefilen mine a limengau ika limöch, pwal lefilen ekewe mönümanau aramas ra tongeni ochoch me ekewe resap tongeni ochoch.