Levitikus 14:1-7

¹I SOMOL e pi’ ngak Moses

²e pi gafal ni ba’aray ni marung’agen i bangbengnag be’ ni ngan be’echnag nike gol u ba m’ar ko dowef nib ubchiya’. Rofen ni nganog nike be’ech, ma thingar ni fek i yan ni nge guy fare prist,

³ma fare prist e nge fek facha’ nga wuru’ e gin yibe par riy nge guy. Ma fa’anra ke fos fare m’ar,

⁴ma nge yog fare prist ni ngan fek l’agruw i arche’ i yib ni kan be’echnag, nib cheag bang i ren ngay ni cedar, nge ba gaf nib row, nge bochi pa’ i gek’iy ni hyssop.

⁵Ma nge yog fare prist ni ngan li’ reb fa gali arche’ nge yim’ u lan barba’ i dabiy nni ngongliy ko but’ ni bay e ran riy nib kak’ling.

⁶Me fek e bin kabfos ko fa gali arche’; nge fare gi ren ko gek’iy ni cedar, nge fa yil’ i gaf nib row, nge fachi pa’ i gek’iy ni hyssop nge lithag nga fithik’ i racha’en fa binem e arche’ ni kan li’ ke yim’ u fithik’ e ran.

⁷Me atngiy e racha’ riy ni medlip yay nga daken facha’ ni ngan be’echnag ko m’ar ni dowef, ma aram e fare prist e nge yog nike be’ech facha’. Me pag fabinem e arche’ ni kabfos nge changeg nge yan ngalan e tafelfel’.