LEVITIKO 17:10-15

¹⁰Israel tauna ta eiava noho-hedoa tauna ta, ese vamu mai rarana baine ania, lau ese una tau baina badu henia; ia na ena bese amo bae negea daure.

¹¹Badina be hidio ena mauri be rara ai; vada na henimui, ihaboulaina patana ena, laumamui ihaḡoevadia. Rara na haheḡoeva ḡauna, badina ia lalonai be mauri.

¹²Taunabunai, Israel taudia vada na haḡanidia, nato: Asi tauna ta emui orea lalonai, bona asi tauna ta bogaragimui ai e noho hedoamu, vamu mai rarana baine ania.

¹³Israel tauna ta eiava noho-hedoa tauna ta baine labana, bena udaḡauna ta eiava roho manuna ta, aniani ḡauna, baine alaia mase, ia ese rarana baine hadihoa tano ai, bona ḡahu amo baine tahunia.

¹⁴Badina be mauri ḡaudia iboudiai edia mauri be rara ai. Taunabunai lau ese Israel taudia vada na haḡanidia, nato: Vamu mai rarana na basio ania, badina be mauri ḡaudia iboudiai edia mauri be rara ai; baine ania tauna na bae negea daure.

¹⁵A tau ta, Israel tauna eiava noho-hedoa tauna, ese mase kava ḡauna eiava uda ḡaudia daḡedaḡedia ese e alaia ḡauna, baine ania, ia na ena dabua baine huri bona baine digu, bona baine taubu ela bona dina baine diho; una murinai ia na baine ḡoeva.