Levi 8:4-8

⁴E Moses i rata a maki e BAKOVI DAGI i vakuku ia vona, i gale palupu e huriki lobo, ri vapopo na matana Kape na Vaponga.

⁵E Moses i taki ria, “E BAKOVI DAGI i vakuku iau vona tara maki ga ratea ngane.”

⁶I gale e Aron turane tuna mai, ri valai ri pesi na matane huriki, i vahilolo ria na naru.

⁷Muri i vakarodoa na nirodo e Aron, i bolea a kala i manga a palabele, i vakarea ia vona. Muri i vakarodoa e Aron na nirodo ola ola, i vakarea ia na kala dagi. I bolea a palabele ni vakabagetu, i kolo tatea a kala dagi ne Aron.

⁸I bolea a kala na ngala i koloa na ngalane Aron. I bole a kedo kiroko i rua ne vona ni bole a lohokanga na ningaru na Vure, i ru pololilo na kala na ngala.