Levi 24:3-7

³E Aron ge nami ria na malunga liu, ri gi para na rodo ge harena na hatelanga pokopoko. A lam nga ri gi tabuli polovavo na kala dagi i naviri mule a Tava na Ngava Dagi na Kape na Vaponga. A vinara iea, a habia ne mua, mu gu ramai vakaroroa. E huriki a hamone mua ranga, ri gi ramaia.

⁴E Aron ge matakari kamumu a maka lam ri tabuli langa na butu ni rata na gol kabakaba, ri gi para vakaroro na matane BAKOVI DAGI.

⁵“O bole a plaoa kamumu o rata a bret ge ravulu a polona i rua. O guru tala a kilo ge rua na plaoa, o ratea a bret ge taku.

⁶Muri o ru a bret nga na dede ni rata na gol na matagu. O ru na tete ge rua a maka bret, a bret ge polotara na tete i taku.

⁷O ru ranga havu mangisipa ni gi rungani, ge huli a mangina turana a tete na bret ge rua, muri ri gi habi ne BAKOVI DAGI a havu mangisipa, ge a nihabi ni gutu na kanono, ge ratea e BAKOVI DAGI ge luhoi mule ra bret nga.