Levi 11:8-23

⁸Naha ni kani ra maka kania nga, naha ni nugu na tahuna ri mate, a vuhuna ri muto.

⁹“A maki na naru, na dari bara mu kani, ra nga: a maka manu ri tahoka a honane ria a pelengane ria.

¹⁰Pali a kabuna maki mahuri na naru, na dari, i uka honane ria, i uka pelengane ria, naha ni kani. Mu pile.

¹¹A maka maki nga mu pile, lakea naha ni kani ria, naha ni nugu ria na tahuna ri mate.

¹²Mu longo kamumu, naha ni kani a manu i uka pelengane ria, a honane ria. Mu pile.

¹³“Naha ni kani a kadirovo nga, a vuhuna ri muto. Mu pile: a loha, a kinikinimanu, pangopango-kaba,

¹⁴a luama vokuvoku, a luama katokato, a maka luama viliha,

¹⁵a maka kokoa viliha,

¹⁶a kadirovo i manga a mengo, a haloho, a nae, a maka loha viliha,

¹⁷a kuku kiroko, a kadirovo i manga a pato ni gale a komaran, a kuku dagi,

¹⁸a maka kuku viliha, a kadirovo i manga a kongo,

¹⁹a kadirovo ni gale a stork, a maka luhou viliha, a kadirovo ni gale a hupoe, a kopa.

²⁰“Naha ni kani a maki ri tahoka a karapane ria, ri laho na vahane ria i va. Mu pile.

²¹Pali mu kani a maki ri tahoka a karapane ria, ri laho na vahane ria i va, ri page viliha na malala.

²²I mavonga mu kani a maka koa lobo.

²³Pali a maki ri tahoka a karapane ria, ri tahoka a vahane ria i va, mu pile.