8 Naha ni kani ra maka kania nga, naha ni nugu na tahuna ri mate, a vuhuna ri muto.
9 “A maki na naru, na dari bara mu kani, ra nga: a maka manu ri tahoka a honane ria a pelengane ria.
10 Pali a kabuna maki mahuri na naru, na dari, i uka honane ria, i uka pelengane ria, naha ni kani. Mu pile.
11 A maka maki nga mu pile, lakea naha ni kani ria, naha ni nugu ria na tahuna ri mate.
12 Mu longo kamumu, naha ni kani a manu i uka pelengane ria, a honane ria. Mu pile.
13 “Naha ni kani a kadirovo nga, a vuhuna ri muto. Mu pile: a loha, a kinikinimanu, pangopango-kaba,
14 a luama vokuvoku, a luama katokato, a maka luama viliha,
15 a maka kokoa viliha,
16 a kadirovo i manga a mengo, a haloho, a nae, a maka loha viliha,
17 a kuku kiroko, a kadirovo i manga a pato ni gale a komaran, a kuku dagi,
18 a maka kuku viliha, a kadirovo i manga a kongo,
19 a kadirovo ni gale a stork, a maka luhou viliha, a kadirovo ni gale a hupoe, a kopa.
20 “Naha ni kani a maki ri tahoka a karapane ria, ri laho na vahane ria i va. Mu pile.
21 Pali mu kani a maki ri tahoka a karapane ria, ri laho na vahane ria i va, ri page viliha na malala.
22 I mavonga mu kani a maka koa lobo.
23 Pali a maki ri tahoka a karapane ria, ri tahoka a vahane ria i va, mu pile.
