Lepin Padahk Audapan Kan 23:7-35

⁷E pahn nda, “Komw sak, komw kanahngada,” ahpw dahme e medemedewe iei uhdahn dahkot ih.

⁸Ke pahn mwuskihla mwenge me ke kangalahr, oh omw lokaiahn kaping kan pahn sohte katepe.

⁹Dehr song en wiahiong aramas pweipwei men lokaiahn aramas loalokong, pwe e pahn mwamwahliki omw koasoi kan.

¹⁰Kaleke ke kamwakid pehs en sapwen mahs akan, de ale sapwen me sepwoupwou kan.

¹¹KAUN-O, iei doareparail roson, oh e pahn ketin welianiraildi oh uhkihong uhk arail repen pwung.

¹²Rong kanahieng omw sounpadahk oh padahngki uwen me ke kak.

¹³Dehr peikasalki kapwungala seri men. Popohr ehu sohte pahn kemehla.

¹⁴Popohr ehu kakete doarehsang mehla.

¹⁵Samwa, ma ke pahn loalokongla, I pahn diren nsenamwahu.

¹⁶I pahn pohnmwahsohki ei pahn rong omw pahn wia lokaiahn kupwurokong.

¹⁷Dehr peirinki aramas dipan akan; lemmwiki KAUN-O en kin ieiang uhk nan omw mour.

¹⁸Pwe ma iei, ke pahn paiamwahu nan omw mour me kohkohdo.

¹⁹Rong, samwa, loalokongla oh medemedewe mwahu duwen mwomwen omw mouren.

²⁰Dehr patehng aramas me kin kamam sakau, de medkihla kisin mwenge.

²¹Me kin kamam sakau oh kapehd en mwenge kan pahn semwehmwehla. Ma ihte me ke kin wia: mwenge oh memeir, ke pahn mwadang kihoula.

²²Rong omw pahpa, pwe ma sohte ih ke sohte pahn mie. Ni ahnsoun omw nohno pahn likeilapalahr, ke pahn kasapalkalahnganohng.

²³Mehlel, kupwurokong, wehwe, oh lamalam mwahu, mepwukat me konehng ke en pwainda; a ke dehr netikihla, pwehki re me nohn kesempwal.

²⁴Semen me pwung men pahn pereperen. Ke kak suweiki noumw pwutak loalokong.

²⁵Kihong semomw oh inomw kahrepen ara pahn suweikin uhk; ih duwen omw pahn kaparanda inomw.

²⁶Samwa, tehk kanahieng oh kahlemengih ie.

²⁷Pwe lih suwed oh lihen netiki paliwararail kan rasehng lidip en mehla ehu.

²⁸Re kin mwasamwasahn aramas akan, rasehng aramas lipirap, oh kin kahrehiong ohl tohto ar sohla loalopwoatohng arail pwoud kan.

²⁹Kasalehiong ie emen me kin sakaula oh kin men song soangen sakau tohrohr, eri, I ahpw pahn kasalehiong uhk emen me kin nsensuwed oh pein pahtoula, me kin kahrehda kahpwal, oh kin kaulimala. Nan mese kin weitahta, oh lipwen ohlahte ni paliwere me pil kakete en sohte wiawihong.

³¹Dehr mweidohng wain en kasongsongeiuk, mehnda ma e weitahta oh ke kak kilang mwomwen mesomw nan kepo, oh me lingan ni omw pahn kamwakid kepo.

³²Pwe manda ke pahn duwehte mehmen me sineik kehpenehr.

³³Mesomwen pahn kilangada soahng kapwuriamwei kei, oh ke sohte pahn kak kihda lamalam mwahu de omw lokaia kan sohte pahn pwung.

³⁴Ke pahn pehm duwehte ma ke mihmi nan madau, mehnmadau, likilikahs pohn kehu en sohp pwoat me kin mwekimwekid.

³⁵Ke ahpw pahn nda, “Re kemeiedahr, re wokihiedier, ahpw I sohte tamataman. Dahme I sohte kak pwourkihda? I uhdahn anahne pil ehu kepen sakau.”