Legic 75:1-7

¹(Legic galeŋawac; Ménda mebiri nénécmina. Asafeac legic ʒéra.) Ewa hia ac gézéziŋ, o Anutu nini ewa hia ac gézéziŋ. Guac qacga qacni hosucninaiguc kecma meleŋ nénécmianʒaŋ. Ic eneŋ guac wawaŋ meme welic welicgiawac ʒéaugic guac qacga gezac ninaiguc heyu niŋanʒiŋ.

²Gi yomuhuc ʒézaŋ; Naléya imi mewa hezac, ni héna aciguc dindiŋanec ʒégési énécmimaŋ.

³Baec ʒéma imuac tacyachéra imi hirimu, néŋ neŋ imi baecac tandéya késaseligima kecʒua.

⁴Séwi eŋeŋ ic ionac séwi eŋeŋ ménda waŋgic ʒéma kaiʒiliweŋ ic ionac ilicgina ménda meyacgic eŋu ʒézua.

⁵Ini ilicgina meyacgic ou ménda emmac. Waŋu séwi eŋeŋac déméŋginanéŋ ac ménda ʒému.

⁶Meyac énécmimia imi baec waŋgoŋa Is me Wes me Saut igucnec hahaya qahac.

⁷Ʒégésigési miŋina Anutunina Yawenéŋ méŋac meyacmima méŋac memamianʒac.