Lahenda Nadedenuꞌ ara Tutuin 15:14-19

¹⁴Aꞌa Peꞌu besaꞌ ko tui basa fee ita nae, Amaꞌ Manetualain soꞌu na lahenda nana ta Yahudi sira fa, fee sii dadi reuꞌ Ramatua Yesus uma-isin.

¹⁵Na, ria naraa noo hata fo Ramatuaꞌ a lahenda mana dedea nara, rafada nai maꞌulun. Te mana-duiꞌ nae,

¹⁶‘Naraa laꞌe faiꞌ na te, Au mai. Huu Au nau afoa seluꞌ Mane Daud pareta na. Huu noo ria tititi-nonosin fo rasosopuꞌ ria nana, Au nau afoa seluꞌ ana, ma tao atea-amepe ni.

¹⁷Tao leo naaꞌ, fo elaꞌ lahenda reme nusa fekeꞌ a boe, mai raneta roo Au. Te Au boe teka here a sii, fo dadi reuꞌ Au lahenda kara. Amaꞌ Manetualain dedea nae leoꞌ naa, neme uluꞌ mai soo!’

¹⁹De neme au, Yakobis, leo ia: Kalu lahenda reme nusa fekeꞌ mai fo tuka Amaꞌ Manetualain soo na, ita lahenda Yahudi bosoꞌ tao ta hehediꞌ asa, ma bosoꞌ tao fee sii beraꞌ bali, fo tadenu sii tuka ita hada sunat na. De, ita muste duiꞌ susuraꞌ, fo haitua fee sii taeꞌ, ara bosoꞌ tuka hada Yahudi hihii-nanau na katemaꞌ. Ita boe fee sii nafarereneꞌ tae, ara bosoꞌ ramina do raepoꞌ roo touꞌ do inaꞌ. Ara bosoꞌ raa paa sosokoꞌ, ma paa daaꞌ, ma banda fo roi podeꞌ raꞌisan.