Giugiukamaḡedi 15:14-19

¹⁴Saimon Pita kaikana i gei giuweda te Maimaituwa Eteni lavedi i vinedi te tana ena lava otidi.

¹⁵Niga kauwina taugiuwatana a giugiuwena luvanemo ya tubutubuḡa. Mai taugiuwatana ḡemota ba niga mainana i gilumi,

¹⁶‘Laḡan muliḡa tagu yà nato munaḡa bi Deivida ena palai i laulaubulilina ba yà keli munaḡe. Bamo gavogavodi a nuwanuwa suwasuwana ba yà laivaliudi.

¹⁷Tagu mai yà voiye te Islael miyamiya gwasedi sai sumaḡegu. Bi Eteni lavedi mabai e vinevinedina sai sumaḡegu bi yai badayedi. Niga Bada kalinana, tana taunana niga kauwidi ya voivoiyedi.’

¹⁸Niga kauwidi yà giugiuwedina ba walaka lava a sibedi.

¹⁹“Taunana aubaina niga mainana egu noḡota: Eteni lavedi mabai Maimaituwa lisinemo a nawa bi sa waisumaḡena, mote tama ka nuwalaḡelaḡedi.