Hataholi Nadedenu nala Tutuin 15:14-19

¹⁴Kaꞌa Peu bei fo ana tui basa ita, nae Manetualain ana soꞌu nala hataholi taa Yahudi la, de Ana fee sala daꞌdik neu Lamatuak Yesus bobonggi nala.

¹⁵Naah, ndia boe oo, nandaa no hata fo Lamatuak mana kokola nala, lafaꞌda memak neme makahulun mai so. Te ala sula kana so nae:

¹⁶‘Nandaa no fain, Au fali. Huu Au ambadedei seluk Mane Dauk palendan. Te ndia tititi-nonosi nala fo lakalulutuk ndia, Au sangga ambadedei seluk, ma tao natetea selu kana.

¹⁷Tao leondiak fo hataholi la leme leo feꞌek mai boe, fo sangga latonggo lo Au. Te Au boe oo hele ala sala so, fo daꞌdik neu Au hataholing. Te Manetualain nakokola basa leondiak neme makahulun mai so!’

¹⁹De neme au mai, Yakobis na leo iak: mete ma hataholi neme nusa feꞌek mai, ana tungga Manetualain, na ita hataholi Yahudi la boso ata takatotoꞌa kasa bali. Ita boso tao tambela sala fo fee sala ala tungga ita haꞌda sunat. De, ita musi sulak susulak esa, fo haitua neu sala, tae, ala taa paluu tungga basa ita haꞌda Yahudi nala. Ita tasaneneꞌda kasa, tae boso ala hohongge lo touk do inak. Ala taa bole laꞌa mba sosonggok. Ala taa bole laꞌa mbaa daa. Ma ala taa bole laꞌa mbaa banda nana kiꞌdu nisak.