Kolesaga Koneai Bidigo Pusali Po Elalubo Buku 12:7-10

⁷Tama dagego tigi te tǫ ma pedelaibao, tama Godigo dagebolo te mani homu ogwa wai mobo bidi, te God agaba ma paibao.

⁸Kolesaga mu koneani bidigo te tama po walio, “Tigidali nai te olo nai tiwai naga elalu, tama aga page mu meni yai elalubao,” wali.

⁹E buku asęani bidigo koneani kolesaga wiegi yai mu elalubaso, tama agai te we bidi dabe augwali ola manio. Agai te tobage wiegi yai po dabe me begelama pusubo po bugagia dagalama wali, tama agai homugo te po dabe mu po da homu ebaso da, teda agai te po dabe e buku asęai dao.

¹⁰Agai te bidi dabego ologo odolama, pusu yabo po dabe gegebo sę dene elama, tama agai te mu po dabe naga bugagia gegelama, asęai dao.