Kolesaga Koneai Bidigo Pusali Po Elalubo Buku 11:3-5

³Te haowade ąį pągąna pobaso da, teda tulubage te tǫba tulaibao. Te ni degali saut badu elalubaso, me not badu elalubaso, te tagalao, teda aga te ni degali pesagede munalubo dao.

⁴Nago te wali me tulubage wiegi yai asobo tonalubo sogo yaibaso da, teda nago te gi sę elama, te inawai nai sela tugobeo.

⁵Godigo tigidali nai nigali. Tialima, te waligo wali pabo tų menadewe, te dago konebe. Ma, magi elama te gesi wai bǫų te idago haliga tomode bidibo ula elaluali, te me dago konebeo. Te tiwai naga te Godigo ebo sę dabe te dago koneabo usu meni ebo dao.