KOHELETE 10:11-16

¹¹Mea tauna ese gaigai do se hamanadaia negana ai ia na bema hekori, mea tauna iboirina na asi anina.

¹²Aonega tauna uduna herevadia ese taunimanima edia hahenamo e abiamu, a kavakava tauna bibinana ese e ha-oreamu.

¹³Ia uduna herevadia matamadia na kavakava, bona ena hereva dokona na kava bona dika rohoroho.

¹⁴Kavakava tauna ena hereva na momo, a tau ta asi dibana dahaka baine vara, bona daika ese baine hamaoroa ia murinai dahaka baine vara.

¹⁵Kavakava tauna na ena hekwarahi ai e hesikumu; una dainai hanua lao dalana na asi dibana.

¹⁶Tano e, pavapavamu bema mero bona emu lohia na daba ai bema ani lava dae negana ai, madi ihabaimu!