Keneses 5

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

43

44

45

46

47

48

49

50

¹Iei uruwon mwirimwirin Atam. Lupwen Kot a föri ewe aramas, a föri lon püsin lapalapan.

²A föri eman mwän me eman fefin. Nge wesin an föriir, a afeiöchüür o aita ngeniir aramas.

³Lupwen Atam a ierini ipükü ilik, a nöüni eman ät mi wewe ngeni püsin lapalapan, iwe, a aita ngeni Set.

⁴Iwe, ükükün ierin manauen Atam mürin an nöüni Set walüpükü, a pwal wor nöün mwän me fefin.

⁵Nge ierin manauen Atam meinisin tiwepükü ilik. Mürin a mäla.

⁶Iwe, lupwen Set a ierini ipükü limu, a nöüni Enos.

⁷Nge ierin manauen Set mürin än Enos uputiu walüpükü fisu, a pwal wor nöün mwän me fefin.

⁸Nge ierin manauen Set meinisin tiwepükü engol me ruu. Mürin a mäla.

⁹Iwe, lupwen Enos a ierini tiwe, a nöüni Kenan.

¹⁰Nge ierin manauen Enos mürin än Kenan uputiu walüpükü engol me limu, a pwal wor nöün mwän me fefin.

¹¹Nge ierin manauen Enos meinisin tiwepükü limu. Mürin a mäla.

¹²Iwe, lupwen Kenan a ierini fik, a nöüni Mahalalel.

¹³Nge ierin manauen Kenan mürin än Mahalalel uputiu walüpükü faik, a pwal wor nöün mwän me fefin.

¹⁴Nge ierin manauen Kenan meinisin tiwepükü engol. Mürin a mäla.

¹⁵Iwe, lupwen Mahalalel a ierini wone me limu, a nöüni Jaret.

¹⁶Nge ierin manauen Mahalalel mürin än Jaret uputiu walüpükü ilik, a pwal wor nöün mwän me fefin.

¹⁷Nge ierin manauen Mahalalel meinisin walüpükü tiwe me limu. Mürin a mäla.

¹⁸Iwe, lupwen Jaret a ierini ipükü wone me ruu, a nöüni Enok.

¹⁹Nge ierin manauen Jaret mürin än Enok uputiu walüpükü, a pwal wor nöün mwän me fefin.

²⁰Nge ierin manauen Jaret meinisin tiwepükü wone me ruu. Mürin a mäla.

²¹Iwe, lupwen Enok a ierini wone me limu, a nöüni Metusala.

²²Nge mürin än Metusala uputiu, Enok a chiechiefengen me Kot ülüpükü ier, a pwal wor nöün mwän me fefin.

²³Iwe, ierin manauen Enok meinisin ülüpükü wone me limu.

²⁴Enok a chiechifengen me Kot. Mürin esap chüen nom, pun Kot a angei.

²⁵Iwe, lupwen Metusala a ierini ipükü walik me fisu, a nöüni Lamek.

²⁶Nge ierin manauen Metusala mürin än Lamek uputiu füpükü walik me ruu, a pwal wor nöün mwän me fefin.

²⁷Nge ierin manauen Metusala meinisin tiwepükü wone me tiu. Mürin a mäla.

²⁸Iwe, lupwen Lamek a ierini ipükü walik me ruu, a nöüni eman ät.

²⁹A aita ngeni Noa o apasa, “Ätei epwe angasakich seni weiresin angangen pöüch, pokiten ewe pwül a anümamau me ren ewe Samol mi Lapalap.”

³⁰Nge ierin manauen Lamek mürin än Noa uputiu limupükü tiwe me limu, a pwal wor nöün mwän me fefin.

³¹Iwe, ierin manauen Lamek meinisin füpükü fik me fisu. Mürin a mäla.

³²Iwe, lupwen Noa a ierini limupükü, a nöüni Säm, Ham me Jafet.