Keneses 46

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

43

44

45

46

47

48

49

50

¹Iwe, Israel a alükülükü an pisek meinisin o popuetä an sai. Nge lupwen a tori Peersepa, a asor ngeni än saman Isaak we Kot.

²Iwe, Kot a kapas ngeni Israel lon künan lepwin, “Jakop, Jakop.” Nge a üra, “Ngang iei.”

³Iwe, Kot a üreni, “Ngang Kot, än semom we Kot. Kosap niuokus le feila Isip, pun ikenan üpwe föri senuk eu mwü mi fokun watte.

⁴Ngang üpwe etukela Isip, nge üpwe pwal aliwinato mwirimwirum kana lon ei fanü. Iwe, Josef epwe amääk me lon Isip.”

⁵Mürin, Jakop a feila seni Peersepa. Iwe, nöün kewe mwän ra uwala Jakop semer we me nöür semirit pwal pwülüer won ekewe woken, Farao a tinala ren pwe epwe wawa.

⁶Iwe, ra pwal uwala nöür pwin man me ar pisek meinisin ra eäni me lon ewe fanü Kanaan o feila Isip.

⁷Iwe, Jakop a uwala Isip mwirimwirin kana meinisin: nöün mwän pwal nöün nöün kewe mwän, nöün fefin pwal nöün nöün kewe fefin.

⁸Ikkei iten ekewe mwirimwirin Jakop mi eti le feila Isip: Rupen nöün Jakop we mwänichi.

⁹Nge nöün Rupen kewe mwän: Hanok, Pallu, Hesron me Karmi.

¹⁰Simeon me nöün kewe mwän: Jemuel, Jamin, Ohat, Jakin, Sohar me Shaul nöün eman fin Kanaan.

¹¹Lefi me nöün kewe mwän: Kerson, Kohat me Merari.

¹²Juta me nöün kewe mwän: Er, Onan, Shela, Peres me Sera. Nge Er me Onan ra fen mäla lon ewe fanü Kanaan. Iwe, nöün Peres kewe mwän: Hesron me Hamul.

¹³Isakar me nöün kewe mwän: Tola, Puwa, Jashup me Shimron.

¹⁴Sepulon me nöün kewe mwän: Seret, Elon, Jaleel.

¹⁵Ir meinisin nöün Jakop kewe mwän, pwal Tina nöün we fefin Lea a nöüni me won lon Mesopotamia. Iwe, iteiten mwirimwirin meinisin me won Lea ilik me ülüman.

¹⁶Iwe, Kat me nöün kewe mwän: Sifion, Hakki, Shuni, Espon, Eri, Aroti me Areli.

¹⁷Aser me nöün kewe mwän: Imna, Ishwa, Ishwi, Peria me Sera fefiner we. Nge nöün Peria kewe mwän: Heper me Malkiel.

¹⁸Ikkei ir mwirimwirin Jakop a nöüni me won Silpa ewe chon angang Lapan a ngeni Lea nöün we fefin, iteiter meinisin engol me wonoman.

¹⁹Iwe, nöün Rahel kewe mwän pwülüen Jakop we: Josef me Peniamin.

²⁰Nge Asenat nöün Potifera, ewe souasoren On, a nöüni me won Josef Manasa me Efraim lon ewe fanü Isip.

²¹Nge nöün Peniamin kewe mwän: Pela, Peker, Ashpel, Kera, Naaman, Ehi, Rosh, Muppim, Huppim me Art.

²²Ikkei ir mwirimwirin Jakop a nöüni me won Rahel, iteiter meinisin engol me föman.

²³Iwe, Tan me nöün mwän: Hushim.

²⁴Naftali me nöün kewe mwän: Jaseel, Kuni, Jeser me Shillem.

²⁵Ikkei ir mwirimwirin Jakop kewe, a nöüni me won Pila ewe chon angang Lapan a ngeni Rahel nöün we fefin, iteiter meinisin füman.

²⁶Iwe, iteiten mwirimwirin Jakop meinisin ra etala Isip wone me wonoman, nge pwülüen nöün kewe mwän resap alea.

²⁷Nge nöün Josef kewe mwän mi uputiu lon Isip ruoman. Iwe, kapachelapen chon leimwen Jakop meinisin ra feito Isip fik.

²⁸Iwe, Jakop a tinala Juta ren Josef pwe epwe akomwola mwan lon ewe fanü Kosen. Iwe, ra tori ewe fanü Kosen.

²⁹Nge Josef a amolätä wan woken pwe epwe feila o churi Israel saman we lon Kosen. Iwe, lupwen a churi, a romi saman o kechü won üan fansoun langatam.

³⁰Nge Israel a üreni Josef, “Iei üpwe tongeni mäla, pun üa küna mesom, üa pwal silei pwe ka chüen manau.”

³¹Mürin, Josef a üreni pwin kewe me chon leimwen saman meinisin, “Üpwe feila o asile ngeni Farao pwe pwii kewe me chon leimwen semei meinisin ra feito rei seni ewe fanü Kanaan.

³²Üpwe asile ngeni pwe ämi chon fofol man, pun iei ämi angang seni me lom. Oua pwal uwato nöümi pwiin sip me kow me pisekimi meinisin.

³³Nge lupwen Farao epwe körikemiito o ais, ‘Met ämi angang?’,

³⁴oupwe pälüeni pwe ämi chon fofol man seni ämi kükün tori ikenai, usun chök sememi kewe. Mürin epwe mwüt ngenikemi pwe oupwe nonom lon ewe fanü Kosen. Pun chon Isip ra anioputäsini chon fofol man.”