Keneses 16

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

43

44

45

46

47

48

49

50

¹Iwe, Sarai pwülüen Apram esamwo nöünöü. Nge a wor eman nöün kewe chon angang itan Hakar, eman fin Isip.

²Iwe, Sarai a üreni Apram, “Nengeni, ewe Samol mi Lapalap esap mwüt ngeniei ai üpwe nöünöü. Iei mine kopwe pwülüeni nei we chon angang. Eli epwe fis pwe epwe wor nei me ren.” Iwe, Apram a aüselinga alon Sarai.

³Iei mine Sarai a angei Hakar nöün we chon angang ewe fin Isip o ngeni Apram pwe epwe pwülüeni. Ei a fis mürin än Apram nom lon ewe fanü Kanaan lon ükükün engol ier.

⁴Iwe, Apram a kon ren Hakar, nge a pwopwo me won. Nge lupwen a mefi pwe a pwopwo, a lamalamtekia won Sarai an samol.

⁵Mürin, Sarai a üreni Apram, “Tipisum ei, pwe ei riaföü a toriei. Üa ngonuk nei chon angang pwe kopwe pwülüeni. Nge lupwen a mefi pwe a pwopwo, a lamalamtekia woi. Ewe Samol mi Lapalap epwe eäni apwüng lefilach pwe epwe pwä iö a pwüng.

⁶Iwe, Apram a üreni Sarai, “Noum we chon angang a nom fän nemeniom. Kopwe föri ngeni mine ka mochen.” Iei mine Sarai a amiriti Hakar, nge neminewe a süla.

⁷Nge nöün ewe Samol mi Lapalap chon läng a küna Hakar ünükün eu chönüttu lon fanüapö mi nom lepekin ewe al a ale ngeni Sur.

⁸Iwe, ewe chon läng a aisini, “Hakar nöün Sarai chon angang, ia ka feito me ie, nge ia kopwe feila ie?” Iwe, Hakar a pälüeni, “Üa sü seni ai samol Sarai.”

⁹Nge ewe chon läng a üreni, “Kopwe liwiniti om samol o anomuk fän nemenian.”

¹⁰Mürin, nöün ewe Samol mi Lapalap chon läng a pwal üreni, “Üpwe fokun achomongala mwirimwirum pwe esap wor eman a tongeni aleaniir pokiten chomongur.

¹¹Nengeni ka pwopwo, nge kopwe nöüni eman ät. Iwe, kopwe aita ngeni Ismael , pun ewe Samol mi Lapalap a rongorong om siön riaföü.

¹²Iwe, noum epwe usun chök eman aas mi mwacho, epwe ü ngeni aramas meinisin, nge aramas meinisin repwe pwal ü ngeni. Iwe, epwe nonom lon fanüan o tipepöchökül ngeni aramasan.”

¹³Iwe, Hakar a aita ngeni ewe Samol mi Lapalap mi kapas ngeni me mwan, “En eman Kot mi nenengeniei.” Pun a apasa, “Ellet, üa küna ewe mi fen nenengeniei.”

¹⁴Iei mine aramas ra aita ngeni ewe chönüttu mi nom lefilen Kates me Peret Peer Lahairoi .

¹⁵Iwe, Hakar a nöüni eman ät me won Apram. Iwe, Apram a aita ngeni nöün we Ismael.

¹⁶Apram a ierini walik me wonu, lupwen Hakar a nöüni Ismael.