Kap 21:8-13

⁸Kɨla amɨn madep da uwal morapni tebaisi tɨmɨtdɨsak. Amɨn dɨma galak taŋ ɨmaŋ amɨn kɨsirɨ amɨn tet da tebaisi tɨmɨtdɨsak.

⁹Kɨndap madep da yo sosoŋ, uŋun da tɨlak noman altosak bɨsapmon uwalni dapban pasɨldaŋ. Yawe da butjap nandaŋ yomɨŋek pabɨŋ yopmaŋakwan kɨndap da soŋ yomɨŋ mudokdaŋ.

¹⁰Kɨla amɨn madep da uwalni dakon monjɨ gwayoni kɨsi morap dapban kɨmak mudokdaŋ. Aŋakwan monjɨ gwayoni mɨktɨmon saŋbeŋek dɨma egɨpdaŋ.

¹¹Uwal da nandak nandak aŋek kɨla amɨn madep yokwi aŋ ɨm do gen yaŋ paŋteban aŋ, mani arɨpmɨ dɨma abɨŋ yɨpni.

¹²Dɨkdɨkgo baŋ yamaŋ yobɨ tobɨlek pasal si kɨkdaŋ.

¹³Yawe, tapmɨmgo madepsi do gak dakon man aŋkɨsik do kap yoneŋ.