Psalmaro 21:8-13

⁸Trovos Via mano ĉiujn Viajn malamikojn, Via dekstra trovos Viajn malamantojn.

⁹Vi similigos ilin al brulanta forno, kiam Vi koleros; La Eternulo englutos ilin per Sia kolero, Kaj fajro ilin formanĝos.

¹⁰Ilian naskitaron Vi ekstermos de sur la tero, Kaj ilian semon el inter la homidoj.

¹¹Ĉar ili preparis malbonon por Vi, Pripensis atencon, sed ne povis ĝin plenumi.

¹²Vi devigos ilin turni al Vi la dorson, Viajn tendenojn Vi direktos kontraŭ iliajn vizaĝojn.

¹³Leviĝu, ho Eternulo, en Via forto; Ni kantos kaj gloros Vian potencon.