Kap 128:1-6

¹Piŋkop gawak ɨmɨm tamokon kɨgɨk dakon kap. Amɨn morap Yawe do pasalek geni guramɨkgaŋ uŋun amɨn kɨsɨk kɨsɨk tagɨ ani.

²Ji pi aŋek uŋun dakon bamɨ paŋ noni. Ji kɨsɨk kɨsɨk aŋek tagɨsi egɨpdaŋ.

³Mɨŋatgo da yutgokon wain nap da yaŋ bamɨ madepsi toni. Ae mɨŋat monjɨyogo da olip kɨndap monɨŋ yombem da yutgokon tamokon aŋgwasɨŋek yɨtni.

⁴Asi, Yawe do pasalek ekwaŋ amɨn kɨsɨk kɨsɨk tagɨ ani.

⁵Yawe Saion kokup papmon egɨsak uŋun da gɨsam tagɨ damjak. Ji mɨktɨmon egɨpni bɨsap morapmon Jerusalem kaŋakwa tagɨsi tosak dosi nandɨsat.

⁶Ji bɨsap dubagɨsi egek babɨkji pɨndatni do nandɨsat. Israel amɨn yaworɨ tagɨ egɨpni.