Psalm 128:1-6

¹Insewowo elos nukewa su akos LEUM GOD, Su moul fal nu ke lungse lal.

²Orekma lom ac fah asot mwe enenu lom. Kom fah engan ac kapkapak.

³Mutan kiom el fah oana soko sak ma isus fahko pus nu in lohm sum, A tulik nutum fah oana sak olive fusr su apunla tepu lom.

⁴Mwet se su akos LEUM GOD El fah akinsewowoyeyuk ouinge.

⁵Lela tuh LEUM GOD Elan akinsewowoye kom Zion me! Lela kom in liye kapkapak lun acn Jerusalem In len nukewa in moul lom.

⁶Lela tuh kom in moul ac liye tulik nutin tulik nutum! Lela tuh Israel in muta in misla!