Iba Gana 128:1-6

¹Wali agali Anduane Homogohanda hame ledadagua bialu karu ibunaga bi mana lo ngadagua bialu hagabi karu ti turuore ho ka.

²Í̠ ogonibi keyagua í̠naga biabe bereruha howa karulape mo ngialu mbirale burupale keru yu holebere. Mbirale í̠na bereru damene bibahende bayale hai haragola í̠ni turubiore holebere.

³Í̠ one ibu nde gerebi lini dewaore daga kaligobi birulebira. Ira olibe hongone dewa ira teneha anda ho mabu biralidagua í̠naga waneiginiru ti í̠naga andagani ira dedagoria biru mabu bulebira.

⁴Heneneore mbirali Anduane Homogonaga bi ledago taluwa biaga kago ibuha mo turu holene ogonibi migi bulebira.

⁵Anduane Homogo ibugua Saionoha howa í̠ mo bayale helo. Í̠ dindini homa nabi wene keore Yarusalemeni mbirale uruni heneneore biaabo halu kane handabelo hameledo.

⁶Í̠ dindi ogoria luore haabo howa í̠naga waneigini aguaneru de handabelo hameledo. Isaraele wali agaliru tiha mo palia holene wia helo hameledo.