SALMOS 128:1-6

¹Nelía paqui nopa masehuali catli quiimacasi huan quitlepanita TOTECO. Quena, paqui catli nemi xitlahuac ipan iojhui.

²Quiselis itlaxtlahuil pampa tequiti cuali. Yaya paquis miyac huan nochi catli quichihuas quisas cuali.

³Isihua paquis ipan ichaj. Yaya elis quen se cuali xocomeca tzontli catli achi más quimocuitlahuíaj huan catli temaca miyac itlajca. Quinpiyas miyac ininconehua catli mosehuise campa imesa huan quipiyase miyac chicahualistli. Quena, itztose quen olivo cuame catli nelía cuali.

⁴Quej nopa TOTECO quitiochihuas nopa tlacatl catli quiimacasi huan quitlepanita.

⁵TOTECO quitiochihuas tlen altepetl Sion. Quicahuilis para quiitas para nochi eltoc cuali ipan Jerusalén nochi tonali tlen inemilis.

⁶Quicahuilis para itztos hasta quinitas iixhuihua. ¡Toteco quimacas tlasehuilistli nopa tlali Israel!