31Minti tuvaro Noravano Balaamira avu qantua kovaro viva tavovaro Noravano atito enseliva iqoka paipe totero aaraqaa himpitero vaura. Aaraqaa himpite vauvaro Balaamiva qetakero vaakama vata kanta hiqintiviro nai viri vatainiqama kero vaura.
32Mintimake vauvaro Noravano atito enseliva vira irero tiharo, Nana kaarae are nena donki taaramo tataa ruqutuaro? Are kia ˻Baraakiva inaini˼ vuataara vaivarama aniaro. Vira kaara te ai aara kuvaikarera anuraukave.
33Ai donkivano ti taveroma taaramo tataa te unanaihairo tuqantaaviro vivo. Ai donkivano kia mintitirio, te vira vehakuma amiteha ai aruma kauraitirio, tiro.
34Noravano Kotiva atito enseliva minti tuvaro Balaamiva tiharo, Oho, te qora kaiqama vara kauro. Te kiama are ti aara kuvai timitaanara tavauro. Vate te mini vuainarara are kia quahairera, te homa maihai anirante vuainarave, tiro.
35Balaamiva minti tuvaro enseli viva tiharo, Hove, are vika hampata vuane. Vika hampata viharama kiama are nena irikera vo uvavata tiraitira, te ai tiva amiaina uvara viraqaima tiva nimiane, tiro. Enselivano minti tuvaro ho Balaamiva Balaakira qiata vaiintinavu hampata vurama.
36Balaamiva vinavuka hampata vuvaro Balaakiva Balaamiva anu uvara iriro, viva oru Aanoni Namari tataaqa Moapi vata auvahini vau vatukara mini Balaamira vita kareva vura.
Kaarantura 22
Kaarantura 22:31-36