Kaarantura 13:9-20

⁹Benaminira ankuqihainaava Rapura maaqu Palitiva,

¹⁰Sebulunira ankuqihainaava Sodira maaqu Gadieriva,

¹¹Manasera ankuqihainaava Susira maaqu Gadiva,

¹²Daanira ankuqihainaava Gemalira maaqu Amieliva,

¹³Asera ankuqihainaava Maikerira maaqu Seturiva,

¹⁴Napataarira ankuqihainaava Vopisira maaqu Nabaava,

¹⁵Gaatira ankuqihainaava Makira maaqu Gueriva, Vika vika nutu mintima vaura.

¹⁶Mosiva qiata vaiinti vinavuka nititomanta vinavuka Kenaanini vi aniha ampeqama keha tavora. Mosiva Nunira maaqu Hoseaara vo autuvata ntava tero virara Iosuaarave tura.

¹⁷Mosiva vinavuka nititareva iharo mintima tiro: Ne Nekevi vata vara maini kema veranto vuate.

¹⁸Ne mini niha koqemake aitutumaqi vuate. Veranto vai vatava vaireva, nana vatae vaivo? Vi vatanaaka kempuka vatanaakae, uqerara vatanaakae variavo? Vika airie variavo, kiae airi variavo?

¹⁹Vika vatavano koqe vatae vaivo, qora vatae vaivo? Vi vatanaaka qumina vatukanavuqie variavo, vaantaavura aututaa vatukanavuraqie variavo?

²⁰Vi vataraqi kara koqema keroe qampiqe vaivo, kiae koqema kero qampiqe vaivo? Nantavatae vaivo, kiae nantavata vaivo? Vi haikara vi haikara rantakeha tavaate. Nenavu kia qetaraiti, vi vataraqaahainaa katari tava vokira hiqi vare maini aniqe tenavuvata tavaare, tiro. Uaini tava hoqare mpeqaiqi entara Mosiva vi uvara minti tiva kero vinavuka tiva nimura.