Küylerning küyi 7:7-13

⁷Séning boyung palma derixidek, Köksüng üzüm ghunchiliridektur.

⁸Men: — «Palma derixi üstige chiqimen, Shaxlirini tutup yamishimen; Köksiliring derweqe üzüm tal ghunchiliridek, Burnungning puriqi almilardek, tanglayliringning temi eng ésil sharabdektur...».

⁹«...méning söyümlükümning gélidin siliq ötüp, Lewler, chishlardin téyilip chüshsun...!

¹⁰Men méning söyümlükümningkidurmen, Uning teqazzasi manga qaritilidu».

¹¹«I söyümlüküm, kéleyli, Étizlargha chiqayli; Yézilarda tünep kéleyli,

¹²Üzümzarliqqa chiqishqa baldur orundin turayli, Üzüm tallirining bixlighan-bixlimighanliqini, Chécheklerning échilghan-échilmighanliqini, Anarlarning berq urghan-urmighanliqini köreyli; Ashu yerde muhebbetlirimni sanga béghishlaymen.

¹³Muhebbetgüller ashu yerde öz puriqini puritidu; Ishiklirimiz üstide herxil ésil méwe-chiwiler bardur, Yéngi hem konimu bardur; Sen üchün ularni toplap teyyarlidim, i söyümlüküm!»