Күйләрниң күйи 7:7-13

⁷И сөйгиним, һозурлар үчүн шунчә гөзәл, шунчә йеқимлиқтурсән!

⁸Сениң боюң палма дәриғидәк, Көксүң үзүм ғунчилиридәктур.

⁹Мән: — «Палма дәриғи үстигә чиқимән, Шахлирини тутуп ямишимән; Көксилириң дәрвәқә үзүм тал ғунчилиридәк, Бурнуңниң пуриғи алмилардәк, таңлайлириңниң тәми әң есил шарапдәктур...».

¹⁰«...мениң сөйүмлүгүмниң гелидин силиқ өтүп, Ләвләр, чишлардин тейилип чүшсун...!

¹¹Мән мениң сөйүмлүгүмниңкидурмән, Униң тәқаззаси маңа қаритилиду».

¹²«И сөйүмлүгүм, келәйли, Етизларға чиқайли; Йезиларда түнәп келәйли,

¹³Үзүмзарлиққа чиқишқа балдур орундин турайли, Үзүм таллириниң бихлиған-бихлимиғанлиғини, Чечәкләрниң ечилған-ечилмиғанлиғини, Анарларниң бәрқ урған-урмиғанлиғини көрәйли; Әшу йәрдә муһәббәтлиримни саңа беғишлаймән.